முத்துப்பேட்டை மக்கள்-MUTHUPET MAKKAL

குண்டுவெடிப்பு வழக்கு:ஆர்.எஸ்.எஸ் தீவிரவாதி சவுகானின் கைது திருப்புமுனையாகும்

2012-02-14T13:53:00.003+05:30

புதுடெல்லி:சம்ஜோதா எக்ஸ்பிரஸ் குண்டுவெடிப்பு வழக்கில் தேடப்பட்டு வந்த கமால் சவுகானை தேசிய புலனாய்வு ஏஜன்சி(என்.ஐ.ஏ) கைது செய்திருப்பது இவ்வழக்கில் முக்கிய திருப்புமுனையாக கருதப்படுகிறது. ஆர்.எஸ்.எஸ் உறுப்பினரான சவுகானை நேற்று முன்தினம் இந்தூரில் வைத்து என்.ஐ.ஏ கைது செய்தது.

குண்டுவெடிப்பு வழக்குகளில் தேடப்பட்டு வரும் தலைமறைவு ஹிந்துத்துவா தீவிரவாதிகளான சந்தீப் டாங்கே, ராம்சந்திர கல்சங்கரா ஆகியோரை கைது செய்ய சவுகானின் கைது உதவும் என கருதப்படுகிறது.

சுனில் ஜோஷி கொலை வழக்கிலும் சவுகானிடமிருந்து தகவல் கிடைக்கலாம் என கருதப்படுகிறது. 2007 பிப்ரவரி 28-ஆம் தேதி 68 பேர் பலியான சம்ஜோதா எக்ஸ்பிரஸ் குண்டுவெடிப்பில் ரெயில் பெட்டியில் குண்டை நிறுவியவர்களில் சவுகானும் ஒருவர் என என்.ஐ.ஏ கண்டுபிடித்துள்ளது. நேற்று க்ரேட்டர் நொய்டா நீதிமன்றத்தில் ஆஜர்படுத்தப்பட்ட சவுகான் ஒரு நாள் ரிமாண்ட் செய்யப்பட்டார். பின்னர் இவ்வழக்கின் விசாரணை நடைபெற்றுக்கொண்டிருக்கும் பஞ்ச்குலா நீதிமன்றத்தில் சவுகான் ஆஜர்படுத்தப்படுவார்.

சுனில் ஜோஷி வழக்கு தொடர்பாக முதலில் என்.ஐ.ஏ சவுகானிடம் விசாரணை நடத்தியது. இவ்வழக்கில் குற்றம் சாட்டப்பட்டுள்ள இதர ஹிந்துத்துவா தீவிரவாதிகளான சந்தீப் டாங்கே, ராம்சந்திர கல்சங்கரா, பிரக்யாசிங் தாக்கூர் ஆகியோருடன் சவுகானுக்கு இருந்த தொடர்பு கண்டுபிடித்ததை தொடர்ந்து இவ்விசாரணை மேற்கொள்ளப்பட்டது. பின்னர் சம்ஜோதா எக்ஸ்பிரஸ் குண்டுவெடிப்பில் தொடர்பிருப்பதாக கூறி சவுகானுக்கு சம்மன் அனுப்பப்பட்டது. ஆனால், சவுகான் ஆஜராகாமல் தலைமறைவாகிவிட்டதை தொடர்ந்து அவரை குறித்து தகவல் அளிப்பவர்களுக்கு இரண்டு லட்சம் ரூபாய் பரிசு அறிவிக்கப்பட்டது. இதர 3 நபர்களுடன் சேர்ந்து சவுகான் சம்ஜோதா எக்ஸ்பிரஸ் ரெயிலில் குண்டை வைத்துள்ளார்.

ஆர்.எஸ்.எஸ் தீவிரவாத அமைப்பின் துணை அமைப்பான வன்வாசி கல்யாண் ஆசிரமத்தின் குஜராத் பிரிவு தலைவர் நாபாகுமார் சர்க்கார் என்பவரிடம் தேசிய புலனாய்வு ஏஜன்சி விசாரணை நடத்தியதில் சம்ஜோதா எக்ஸ்பிரஸ் குண்டுவெடிப்பில் சதித்திட்டம் குறித்து கூடுதல் விபரங்கள் கிடைத்தன. குண்டுவெடிப்பை நிகழ்த்தியவர்கள் அனைவரும் நெடுங்காலமாக ஆர்.எஸ்.எஸ் தீவிரவாத இயக்கத்தில் உறுப்பினர்களாக இருப்பவர்கள் என என்.ஐ.ஏ வட்டாரங்கள் கூறுகின்றன.

2002 ஆம் ஆண்டு குஜராத்தில் நடந்த இனப் படுகொலையை போல இந்தியா முழுவதும் நடத்துவதுதான் ஹிந்துத்துவா தீவிரவாதிகளின் கொள்கை என்றும், அதற்கு சாத்தியமில்லாத சூழல் நிலவியதால் அதிருப்தியடைந்தவர்கள் குண்டுவெடிப்பை நிகழ்த்த துவங்கினார்கள் என்றும் என்.ஐ.ஏ வட்டாரங்கள் கூறுகின்றன.

குஜராத் முஸ்லிம் இனப்படுகொலை வழக்கில் குற்றம் சாட்டப்பட்ட ஹர்ஷத் சோலங்கி தாங்க் பகுதியில் தலைமறைவாக இருப்பதாக கூறப்படுகிறது. சோலங்கி அஜ்மீர் குண்டுவெடிப்பு வழக்கில் குற்றம் சாட்டப்பட்டவர். மேலும் சுனில் ஜோஷி கொலை வழக்கில் முக்கிய பங்கு வகித்த 3 ஹிந்துத்துவா தீவிரவாதிகளில் சவுகானும் ஒருவர் என்பதை தேசிய புலனாய்வு ஏஜன்சி கூறுகிறது.

குஜராத்:சமூக ஆர்வலர்களுக்கு விசாரணை அறிக்கை நகலை அளிக்க முடியாது: எஸ்.ஐ.டி

2012-02-14T13:52:00.002+05:30

அஹ்மதாபாத்:குஜராத் இனப்படுகொலை வழக்கு தொடர்பான விசாரணை அறிக்கையின் நகலை சமூக் ஆர்வலர்களுக்கு வழங்க முடியாது என்று உச்சநீதிமன்றம் நியமித்த சிறப்பு புலனாய்வு குழு(எஸ்.ஐ.டி) நீதிமன்றத்தில் அறிவித்துள்ளது.

குல்பர்க் சொஸைட்டி கூட்டுப்படுகொலை தொடர்பாக எஸ்.ஐ.டி அறிக்கையின் மீதான விசாரணையின் போது மெட்ரோபாலிடன் மாஜிஸ்ட்ரேட் எம்.எஸ்.பட்டிடம் இதனை விசாரணை குழு தெரிவித்தது.

குஜராத் இனப்படுகொலை தொடர்பான வழக்கு விசாரணையின் அறிக்கையை கோரி சமூக ஆர்வலர்களான டீஸ்டா ஸெடல்வாட், முகுல் சின்ஹா ஆகியோர் நீதிமன்றத்தில் மனு தாக்கல் செய்திருந்தனர். குல்பர்கா சொஸைட்டி வழக்கின் விசாரணை நடைபெறும் வேளையில் நீதிமன்றம் டீஸ்டா மற்றும் முகுல் சின்ஹா ஆகியோரின் மனுக்களையும் விசாரணைக்கு எடுத்தது.

குல்பர்க் சொஸைட்டி கூட்டுப் படுகொலையில் கொல்லப்பட்ட முன்னாள் காங்கிரஸ் எம்.பி இஹ்ஸான் ஜாஃப்ரியின் மனைவி ஸாக்கியா ஜாஃப்ரிக்கும் விசாரணை அறிக்கையின் நகலை அளிக்கமுடியாது என்று எஸ்.ஐ.டி நீதிமன்றத்தில் தெரிவித்தது.

அதேவேளையில், குல்பர்க் சொஸைட்டி கூட்டுப் படுகொலை வழக்கில் எஸ்.ஐ.டியின் அறிக்கை மீதான விசாரணை முடிவடைந்தது. நீதிமன்றம் நாளை தீர்ப்பு அளிக்கும்.

உண்மையான மனுதாரர்களுக்கு மட்டுமே நகலை அளிக்கவேண்டும் என்று உச்சநீதிமன்றம் உத்தரவிட்டுள்ளதாக எஸ்.ஐ.டிக்காக ஆஜரான வழக்கறிஞர் எஸ்.சி.ஜமுகர் கூறினார்.

டீஸ்டா உண்மையான மனுதாரர் அல்ல என்றும், அவர் பின்னர் கட்சிதாரராக இணைந்தார் என்றும் ஜமுகர் சுட்டிக்காட்டினார். ஸாகியா ஜாஃப்ரியும் தற்போது மனுதாரர் அல்ல என்றும், ஆகவே அவருக்கும் எஸ்.ஐ.டி அறிக்கையின் நகலை அளிக்க இயலாது என்று அவர் கூறினார்.

ஆனால்,அறிக்கையில் இறுதி தீர்ப்பு வரும் முன்பு இவ்வழக்கில் சம்பந்தப்பட்ட கட்சிதாரர்கள் அனைவருக்கும் அறிக்கையின் நகலை அளிக்கவேண்டும் என்று டீஸ்டாவின் வழக்கறிஞர் எஸ்.எம்.வோரா வாதிட்டார். எஸ்.ஐ.டி எல்லா ஆதாரங்களையும், ஆவணங்களையும் நீதிமன்றத்தில் சமர்ப்பித்திருந்தால் அவை மனுதாரர்களுக்கு அளிக்கப்பட வேண்டும்.

எஸ்.ஐ.டி அனைத்து ஆவணங்களையும் இதுவரை சமர்ப்பிக்கவில்லை என்றால் அது உச்சநீதிமன்ற தீர்ப்பை மீறுவதாகும் என்று சிட்டிசன் ஃபார் ஜஸ்டிஸ் அண்ட் பீஸ் வழக்கறிஞர் ஐ.எம்.முன்ஷி கூறினார்.

குஜராத் முஸ்லிம் இனப்படுகொலை புகழ் நரேந்திர மோடிக்கு எஸ்.ஐ.டி தனது அறிக்கையில் நற்சான்றிதழ் வழங்கியுள்ளதாக கூறப்படுகிறது. 1000 பக்கங்களை கொண்ட அறிக்கையை எஸ்.ஐ.டி தயார் செய்துள்ளது. 2011 செப்டம்பர் மாதம் முன்னாள் சி.பி.ஐ இயக்குநர் ஆர்.கே.ராகவன் தலைமையிலான சிறப்பு புலனாய்வு குழு(எஸ்.ஐ.டி) தனது அறிக்கையை உச்சநீதிமன்றத்தில் சமர்ப்பித்தது.

இந்தியா-ஈரான் நட்புறவை சீர்குலைக்க இஸ்ரேலே குண்டுவெடிப்பை நிகழ்த்தியுள்ளது – ஈரான் குற்றச்சாட்டு

2012-02-14T13:49:00.004+05:30

டெஹ்ரான்:புதுடெல்லியிலும், திப்லிஸிலும் தங்களது தூதரகங்கள் அருகே குண்டுவெடிப்புகளை இஸ்ரேலே நடத்திவிட்டு எங்களின் மீது பழிபோடுகிறது என்று ஈரான் குற்றம் சாட்டியுள்ளது.

இஸ்ரேல் தூதரகத்தின் கார் டெல்லியில் அதிதீவிர பாதுகாப்பு நிறைந்த பகுதியில் நேற்று(திங்கள்கிழமை) மதியம் திடீரென வெடித்து தீப்பற்றி எரிந்தது. இது விபத்தா? அல்லது குண்டுவெடிப்பா என்பது குறித்து இறுதி முடிவு வெளியாகவில்லை. ஆனால், இச்சம்பவத்தை தீவிரவாத தாக்குதல் என்று இஸ்ரேல் அறிவித்துள்ளது. இச்சம்பவத்தின் பின்னணியில் ஈரானும், ஹிஸ்புல்லாஹ்வும் உள்ளது என்று இஸ்ரேல் குற்றம் சாட்டுகிறது.

பிரதமர் மன்மோகன்சிங்கின் அதிகாரப்பூர்வ இல்லமான எண்.7, ரேஸ்கோர்ஸ் சாலையில் இருந்து அதிக தூரம் இல்லாத துக்ளக் சாலையில் இஸ்ரேல் தூதரகத்தின் 109 சி.டி 35 எண்டயோட்டா இன்னோவா கார் திடீரென வெடித்து தீப்பற்றி எரிந்தது. வாகனத்தில் இருந்த இஸ்ரேல் தூதரக பெண் அதிகாரி தால் யஷோவா மற்றும் ஓட்டுநர் மனோஜ் சர்மா ஆகியோர் காயமடைந்தனர். காயமடைந்த இதர இரு நபர்கள் அருகில் நின்ற வாகனத்தில் இருந்தவர்கள் ஆவர். யஷோவாவிற்கு அறுவை சிகிட்சை செய்யப்பட்டுள்ளது.

மோட்டார் சைக்கிளில் வந்த இரண்டு இளைஞர்கள், இஸ்ரேலிய தூதரகத்தின் காரை பின்தொடர்ந்து வந்துள்ளனர். சிக்னலில் நிற்கும்போது வாகனத்தில் சந்தேகத்திற்கிடமான பொருட்களை காரின் பின்னால் வைத்ததாக நேரடியாக பார்த்தவர்கள் கூறியுள்ளனர். அவர்கள் கடந்துசென்ற பிறகு சற்றுநேரம் கழித்து விபத்து நிகழ்ந்துள்ளது. கார் தீப்பிடித்த வேளையில் சிறிய குண்டுவெடிப்பு சத்தமும் கேட்டுள்ளது.

ஃபாரன்சிக் சயன்ஸ் லேபரேட்டரியில் இருந்து நிபுணர்கள் வந்து ஆய்வு நடத்தினர். தேசிய பாதுகாப்பு படையினரும் சம்பவ இடத்திற்கு வந்தனர். விரிவான விசாரணை நடந்துவருகிறது. நாட்டில் தூதரகங்களுக்கு பாதுகாப்பு பலப்படுத்தப்பட்டுள்ளது. இச்சம்பவம் குறித்து முரண்பட்ட தகவல்கள் வெளியாகியுள்ளன. சி.என்.ஜி சிலிண்டர் பொருத்திய இஸ்ரேலிய தூதரக வாகனம்தான் விபத்தில் சிக்கியது. அருகில் உள்ள சி.என்.ஜி பம்பில் இருந்து எரிபொருளை நிரப்பிவிட்டு வெளியே வந்த வாகனம் சற்றுநேரத்தில் வெடித்துள்ளது. வெடிப்பொருட்கள்களின் சிதறல்களை கண்டுபிடித்ததாக போலீஸ் கூறியது. கூடுதல் விசாரணைக்கு பின்னரே குண்டுவெடிப்பின் காரணம் உறுதிச் செய்யப்படும் என்று உள்துறை அமைச்சக ஸ்பெஷல் செகரட்டரி கூறியுள்ளார்.

ஜார்ஜியாவிலும் உள்ள இஸ்ரேல் தூதரகம் முன்பு குண்டு வைக்கப்பட்டிருந்தது. அதனை அதிகாரிகள் கண்டுபிடித்து அப்புறப்படுத்தினர். இதனிடையே உலகம் முழுவதும் உள்ள இஸ்ரேல் தூதரகங்களை அந்நாட்டு அரசு உஷார் படுத்தியுள்ளது.

குண்டுவெடிப்பு தொடர்பாக இந்திய வெளியுறவுத்துறை அமைச்சர் எஸ்.எம்.கிருஷ்ணா இஸ்ரேல் வெளியுறவு துறை அமைச்சர் அவிக்டர் லிபர்மனுடன் தொலைபேசியில் பேசியுள்ளார். சட்டப்படி நடவடிக்கை மேற்கொள்ளப்படும் என லிபர்மனுக்கு உறுதி அளித்ததாக எஸ்.எம்.கிருஷ்ணா தெரிவித்தார்.

ஹிஸ்புல்லாஹ் தலைவர் இமாத் முக்னியை இஸ்ரேல் கொலைச் செய்த நான்காவது ஆண்டு நினைவு தினத்தில் இரண்டு சம்பவங்களும் நிகழ்ந்துள்ளது. இத்துடன் குண்டுவெடிப்புகளை இணைக்க முயற்சிக்கிறது இஸ்ரேல். இச்சம்பவங்களின் பின்னணியில் ஈரானும், ஹிஸ்புல்லாஹ்வும் செயல்பட்டுள்ளதாக இஸ்ரேல் பிரதமர் பெஞ்சமின் நெதன்யாகு குற்றம் சாட்டியுள்ளார்.

ஆனால், அமெரிக்கா மற்றும் மேற்கத்திய நாடுகளின் நிர்பந்தத்திற்கு அடிபணியாமல் ஈரானுடன் உறவை வலுப்படுத்த இந்தியா எடுத்து வரும் முயற்சிக்கு பின்னடைவை ஏற்படுத்தவும் இத்தாக்குதல் நடத்தப்பட்டிருக்கலாம் என கருதப்படுகிறது.

மேலும் ஒட்டு குண்டு(ஸ்டிக்கிங் பாம்ப்) இதற்கு முன்பு இந்தியாவில் நடந்த தாக்குதல்களில் பயன்படுத்தாத புதிய முறையாகும் என போலீசார் கூறுகின்றனர். ஏற்கனவே ஈரானில் அணு விஞ்ஞானிகள் கொலை செய்யப்பட்டது ஸ்டிக்கிங் பாம்பை அவர்கள் சென்ற காரில் பொருத்தியதன் மூலமாகும். இத்தாக்குதலின் பின்னணியில் இஸ்ரேல் மீது ஈரான் குற்றம் சாட்டியிருந்தது குறிப்பிடத்தக்கது.

இந்நிலையில், ஈரானின் வெளியுறவுத்துறை செய்தித் தொடர்பாளர் மெஹ்மான் பெரஸ்த் கூறுகையில்; ‘புதுடெல்லி, திப்லிஸி(ஜார்ஜியா) ஆகிய இடங்களில் உள்ள தங்களது தூதரகங்களில் இஸ்ரேலே தாக்குதல்களை நிகழ்த்திவிட்டு ஈரான் மீது பழிபோடுகிறது. ஈரானுடன் இந்தியா மற்றும் ஜார்ஜியா ஆகிய நாடுகள் வைத்திருக்கும் நட்புறவை சீர்குலைப்பதே இஸ்ரேலின் திட்டமாகும். இஸ்ரேல் இம்மாதிரியான தீவிரவாத தாக்குதல்கள் மூலம் ஈரானுடன் மனோரீதியான போரை துவக்கியுள்ளது’ என்று கூறியுள்ளார்.

ஆரோக்கியமான மக்கள் வலிமையான தேசம்!

2012-02-14T13:49:00.002+05:30

பாப்புலர் ஃப்ரண்ட் ஆஃப் இந்தியா வருடந்தோரும்"ஆரோக்கியமான மக்கள் வலிமையான தேசம்" என்ற தலைப்பில் தேசிய அளவில் விழிப்புணர்வு பிரச்சாரம் செய்து வருகிறது.

இந்நிகழ்ச்சியில் ஆரோக்கியமான வாழ்விற்கு உடல்பயிற்சி இன்றியமையாதது என்பதை மக்களிடம் எடுத்து சொல்லி விழிப்புணர்வை ஏற்படுத்தி இலவசமாக யோகா,உடல்பயிற்சிகள் சொல்லிக் கொடுக்கிறார்கள்.

இதன் தமிழகத்தின் துவக்க நிகழ்ச்சி கோவையில் நடை பெற்றது. இதில் கோவை மாநகர மேயர் செ. மா. வேலுச்சாமி அவர்களும், கோவை அரசு மருத்துவமனை சிவப்பிரகாசம்அவர்களும் பங்கு பெற்றனர்.

இந்நிகழ்ச்சிக்கு பாப்புலர் ஃப்ரண்ட் ஆஃப் இந்தியா மாவட்ட தலைவர் ராஜா உசேன் வரவேற்புரை வழகினார் சிறப்பு விருதினரக மாநில தலைவர் இஸ்மாயில் அவர்கள் கலந்து கொண்டார். பெரும் திரளாக மக்கள் கலந்து கொண்டனர். இதில் யோகா வகுப்புகள் மற்றும் உடல்பயிற்சிகள் ஆகியவை பொதுமக்களுக்கு இலவசமாக கற்று கொடுக்கப்பட்டது.

சிந்திக்கவும்: யோகாசனம் என்கிற மக்கள் சொத்தை வைத்து ஒரு கூட்டம் காசு பார்க்கும் இந்த தருணத்தில் இதுபோல் இதை மக்களுக்கு இலவசமாக சொல்லிக்கொடுப்பது ஒரு சிறப்பான விடயம்தான். கார்பரேட் சாமியார்கள் யோகாசனத்தை வைத்து பலகோடிகள் சம்பாதித்துவெளிநாடுகளில் சொந்தமாக தீவும், ஹெலிஹாப்ட்டரும் வாங்கி இருக்கும் போது இந்த கலையை மக்களுக்கு இலவசமாக கற்று கொடுக்கும் இவர்களுக்கு நமது வாழ்த்துக்கள்.

இவர்கள் டாக்டர்களா? அல்லது எமதர்மர்களா?

2012-02-14T13:49:00.001+05:30

FEB 13: இவர்களை இரும்பு கரம் கொண்டு ஒடுக்க வேண்டும். ஆந்திராவில் ஜுனியர் மருத்துவர்களின் வேலை நிறுத்தம் நீடித்து வருவதால், சிகிச்சை கிடைக்காமல் இன்று ஒரே நாளில் 44 நோயாளிகள் உயிரிழந்துள்ளனர்.

ஆந்திராவில் பயிற்சி மருத்துவர்களுக்கு அளிக்கப்பட்டு வரும் உதவித் தொகையை, 40 சதவீதம் அதிகரிக்க வேண்டும். கிராமங்களில் 3 ஆண்டுகள் பணியாற்ற வேண்டும் என்பதை ஓராண்டாக குறைக்க வேண்டும் உள்ளிட்ட கோரிக்கைகளை வலியுறுத்தி 2 ஆயிரத்துக்கும் அதிமான பயிற்சி மாணவர்கள் கடந்த சில நாட்களாக வேலை நிறுத்தத்தில் ஈடுபட்டுள்ளனர்.

சிந்திக்கவும்: இவர்களை இரும்பு கரம் கொண்டு ஒடுக்க வேண்டும். இதை எல்லாம் வேடிக்கை பார்க்கும் மத்திய அரசு அப்பாவி மக்கள் ஜனநாயக வழிகளில் போராட்டம் நடத்தினால் போடா, தடா, தேசிய பாதுகாப்பு சட்டங்களை கொண்டு ஒடுக்கும். மக்கள் போராட்டங்களை ஒடுக்க அரசு பயங்கரவாத படைகளான போலீஸ் மற்றும் ராணுவம் ஏவி விடப்படும். ஆனால் இப்படி ஒரு வேலை நிறுத்தத்தின் மூலம் ஒரே நாளில் 44 அப்பாவி மக்களை கொன்றவர்கள் மேல் என்ன நடவடிக்கை எடுக்கப்போகிறது.

இந்த வெள்ளை உடை தரித்த அழுக்கு பிடித்த கயவர்கள் வேலை நிறுத்தம் என்கிற பெயரில் 44 அப்பாவி மக்களை கொன்றிருக்கிறார்கள். இதுவும் ஒரு வகையில் பயங்கரவாதம்தான். மக்களுக்கு தேவையான உணவுகளை பதுக்கும் பதுக்கல் வியாபாரிகள், போலி மருந்துக்களை தயாரித்து மக்கள் உயிருக்கு உலைவைக்கும் மருந்து கம்பெனிகள், இதுபோன்று உயிர்காக்கும் பணிகளில் உள்ளவர்கள் செய்யும் வேலை நிறுத்தங்கள்ஆகியவற்றால் பாதிக்கபடுவது ஏழை எளிய மக்களின் உயிர்களே. இந்த கயவர்களை இரும்பு கரம் கொண்டு ஒடுக்க வேண்டும். செய்வார்களா இந்த போலி அரசியல்வாதிகள். இல்லையேல் மக்களே இவர்களுக்கு தண்டனை கொடுக்க முன்வரவேண்டும்.

தோல் தொற்று நோய்களைத் தடுக்க...

2012-02-11T13:36:00.001+05:30

மனித உடலின் தோல் பகுதி ஆரோக்யத்தின் கண்ணாடி. தோலில் பிரச்னை ஏற்பட்டால் உடலில் ஏதோ தொந்தரவு உள்ளது என்று அர்த்தம். தவறான உணவு முறை, அலர்ஜி, சுகாதாரத்தில் கவனம் இல்லாமை, சத்துக் குறைபாடு போன்ற காரணங்களால் தோல் நோய்கள் ஏற்படுகிறது. தோல் நோய்களை கண்டு கொள்ளாமல் விடுவதால் அது பல்வேறு மனஉளைச்சல்களை ஏற்படுத்துகிறது. எனவே தோல் நோய்களை ஆரம்பத்திலேயே கண்டறிந்து குணப்படுத்த வேண்டும் என்கிறார் காஸ்மெடிக் மற்றும் பிளாஸ்டிக் சர்ஜரி நிபுணர் டாக்டர் விக்னேஷ்வரி.

தோலின் தன்மைக்கு ஏற்றாற்போல பனிக் காலங்களில் தோல் வறட்சி, தோல் சுருக்கம் மற்றும் பரு போன்ற பிரச்னைகள் தோன்றும். தோல் பகுதி பளபளப்பாக சுருக்கம் ஏற்படாமல் இருக்க பழங்கள் அதிகம் சாப்பிட வேண்டும். சத்தான உணவுப்பழக்கத்தை கடை பிடிப்பதன் மூலம் தொல்லைகள் ஏற்படாமல் தடுக்கலாம். வெயில் மற்றும் பனியில் செல்லும் போது சன்ஸ்கிரீன் மற்றும் வின்டர் கேர் கிரீம்களை பயன்படுத்தலாம். தேமல் பிரச்னைகள் இருந்தால் கட்டாயமாக மருத்துவரின் ஆலோசனையை நாட வேண்டும். தோல் பிரச்னை உள்ளவர்கள் தனியாக துண்டு, சீப்பு பயன்படுத்துவதன் மூலம் மற்றவருக்குப் பரவாமல் தடுக்கலாம். மஞ்சள் பூசிக் குளிக்கும் பழக்கம் இல்லாத காரணத்தால் இன்றைய டீன் ஏஜ் பெண்களில் பலருக்கு முகத்தில் ரோமம் வளரும் பிரச்னை உள்ளது.

தைராய்டு ஹார்மோன் பிரச்னை, கருப்பையில் நீர்க்கட்டி இருத்தல், மாதவிலக்கு கோளாறு, ஆண் தன்மைக்கான ஹார்மோன் அதிகமாக இருக்கும் போதும் பெண்களுக்கு முகத்தில் வருவதற்கான வாய்ப்புகள் உள்ளன. இது போல் முடி வளரும் போது அதை கண்டு கொள்ளாமல் விடுவது பெண்களுக்கு மனதளவில் மிகப்பெரிய சங்கடத்தை ஏற்படுத்துகிறது. இதற்கு பெண்கள் பிளக்கர், திரட்டிங், ஷேவிங் மற்றும் வேக்சிங் போன்ற முறைகளில் முடிகளை நீக்குகின்றனர். இது போன்ற முறைகளில் முடிவளர்ச்சி நாளுக்கு நாள் அதிகரிக்கிறது. மேலும் முடி இருக்கும் தோல் பகுதி தடிமனாக மாறும். வேக்சிங் முறையில் முடியை நீக்கினால் தோல் பாதிப்படையும். பெண்களின் முகத்தில் உள்ள தேவையற்ற முடிகளை லேசர் சிகிச்சை மூலம் பாதிப்புகள் இன்றி நீக்க முடியும். இதே போல் பருக்களால் முகத்தில் ஏற்படும் தழும்பு, வளரும் தன்மையுள்ள மரு, டாட்டூஸ், பச்சை குத்தியதை நீக்குவதற்கும் நவீன சிகிச்சை முறைகள் உள்ளன. அனைத்து விதமான தோல் பிரச்னைகளுக்கும் அழகு கிரீம்களைக் கொண்டு குணப்படுத்த முடியாது. தோலின் தன்மைக்கும், தோல் பிரச்னைக்கும் தகுந்த சிகிச்சை முறையை தேர்வு செய்வதன் மூலம் வாழ்நாள் முழுவதும் தொடரும் சங்கடங்களைத் தவிர்க்க முடியும். காஸ்மெடிக் சர்ஜரியில் இதற்கு எளிய தீர்வுகள் உள்ளன.

பாதுகாப்பு முறை: புற ஊதாக் கதிர்களின் தாக்கம் இல்லாமல் காப்பதன் மூலம் தோல் நோய் மற்றும் தோல் புற்றுநோயைத் தவிர்க்க முடியும். தோல் பகுதி யை சுத்தமாக வைத்துக் கொள்ள வேண்டியதும் அவசியம். வெளியில் சென்று வந்ததும், இளம் சுடுநீரால் முகத்தை கழுவி பஞ்சு அல்லது துண்டால் முகத்தை அழுத்தி துடைத்து, இறந்த செல்களை நீக்கலாம். காய்ந்த மற்றும் வறண்ட சருமத்துக்கு கொழுப்பு உள்ள சோப்புகளை பயன்படுத்தலாம். எண்ணெய் பசை சருமத்தை தினமும் மூன்று முறை சுத்தம் செய்ய வேண்டும். ஆண்கள் ஷேவிங் செய்யும் முன்பு சூடான தண்ணீரில் நனைக்கப்பட்ட துண்டால் முடியைத் துடைக்கவும். முகத்தில் உள்ள சுரப்பிகள் அடைத்துக் கொள்வது மற்றும் பாக்டீரியா தொற்றின் காரணமாக முகத்தில் பருக்கள் தோன்றுகிறது. தைராய்டு சுரப்பியின் மாறுபாட்டால் பருக்கள், முடி வளர்வது போன்ற தொல்லைகள் ஏற்படுகிறது. தோல் பிரச்னைகளுக்கு தோல் மருத்துவரின் ஆலோசனைப்படி கிரீம்களை பயன்படுத்தி நிவாரணம் பெறலாம்.

அரைக்கீரை கூட்டு: ஒரு கட்டு அரைக்கீரையை சுத்தம் செய்து பொடியாக நறுக்கிக் கொள்ளவும். வாணலியில் சிறிது எண்ணெய் விட்டு கடுகு, உளுத்தம்பருப்பு, கடலைப்பருப்பு மற்றும் சீரகம் சேர்த்து தாளிக்கவும், 3 பச்சை மிளகாய் நறுக்கியது, 4 தக்காளி 5 பல் பூண்டு, சின்ன வெங்காயம் 5 சேர்த்து லேசாக வதக்கிய பின்னர் வேகவைத்த துவரம்பருப்பு 1 கப் சேர்த்து இறுதியில் அரைக்கீரை சேர்த்து தேவையான அளவு உப்பு போட்டு ஒரு கொதி விட்டால் அரைக் கீரை கூட்டு ரெடி. இதில் இரும்புச் சத்து மற்றும் வைட்டமின் ஏ சத்தும் உள்ளது.

ரெசிபி

பிரெட் சப்பாத்தி: பத்து ஸ்லைஸ் பிரெட் எடுத்து மிக்சியில் அடித்துக் கொள்ளவும். 150 கிராம் மைதாவுடன், பிரெட் தூள், 2 டீஸ்பூன் வெண்ணெய், 100 மிலி பால், 1 டீஸ்பூன் சர்க்கரை சேர்த்து மாவாக பிசைந்து கொள்ளவும். இதனை சப்பாத்தியாக சுட்டுக் கொள்ளலாம். புரோட்டீன் மற்றும் வைட்டமின் சத்துகள் இதில் உள்ளன.

புரூட் கேசரி: பப்பாளி, வாழைப்பழம், ஆப்பிள், சப்போட்டா, மாதுளை ஆகிய அனைத்தும் சேர்த்து இரண்டு கப் அளவுக்கு எடுத்து மிக்சியில் அடித்து ஜூஸ் எடுக்கவும். வாணலியில் 3 டீஸ்பூன் வெண்ணெய் விட்டு பழச்சாறு சேர்த்து கிளறவும். இத்துடன் கால் கப் பால் பவுடர், குளுக்கோஸ் பவுடர் 3 டீஸ்பூன், சேர்த்து கிளறவும். கெட்டியான பின் இறுதியில் பாதாம், பிஸ்தா சேர்த்து கிளறி இறக்கவும். இந்த புரூட் கேசரியில் பி காம்ப்ளக்ஸ் மற்றும் பி12 சத்துகள் அதிகம் உள்ளன.

டயட்

சத்துக்குறைபாடுகள், சுத்தமின்மை, மற்றும் பரம்பரைக் காரணங்களால் தோல் நோய் ஏற்படலாம். தேமல் போன்ற பிரச்னைகளுக்கு வைட்டமின் குறைபாடே காரணம். ஆரஞ்சுத் தோல், வெள்ளரி, எலுமிச்சை சாறு ஆகியவற்றை தடவிக் கொள்வதன் மூலம் தோல் பிரச்னைகளுக்கு தீர்வு காணலாம். எலுமிச்சை சாறு, முட்டைக்கோஸ் இலை, கோசா பழச்சாறு, ஆரஞ்சு, தக்காளி, வெள்ளரி, ஆப்பிள் சாறு, அரைக்கீரை சாறு ஆகியவற்றை உணவில் சேர்த்துக் கொள்ளலாம். தோல் பகுதியிலும் தடவலாம். வைட்டமின் பி2 குறைபாட்டின் காரணமாக தோலில் கரும்புள்ளிகள் தோன்றும். வைட்டமின் பி6 குறைபாட்டால் தேமல், அரிப்பு போன்ற பிரச்னைகள் ஏற்படும். நைசின் சத்துக் குறைபாட்டினால் முகப்பருக்கள் ஏற்படும். அயோடின், கோபால்ட், பி 12 குறைபாட்டால் தோலில் பல பிரச்னைகள் உண்டாகிறது. உணவில் ரவை , சர்க்கரை அதிகம் சேர்த்துக் கொள்பவர்களையும் அதிகளவில் பாதிக்கிறது. ரத்த ஓட்டம் குறைந்தால் தோல் வறட்சி உண்டாகும். இது போன்ற பிரச்னைகளைத் தடுக்க முழு தானியங்கள், உலர்ந்த பருப்புகள், பழங்கள் மற்றும் காய்கள், பாலுடன் சத்துமாவு சேர்த்துக் கொள்ளலாம். வெஜிடபிள் ஆயில் மற்றும் கடலை எண்ணெய் ஆகியவற்றை உணவில் சேர்க்கலாம். வைட்டமின் பி12 அதிகம் உள்ள உணவுகளை எடுத்துக் கொள்வதன் மூலம் தோல் பிரச்னைகள் வராமல் தடுக்க முடியும் என்கிறார் உணவு ஆலோசகர் சங்கீதா.

பாட்டி வைத்தியம்

*அகத்தி கீரைச்சாற்றில் கடல் சங்கை இழைத்து மருக்கள் மீது தடவினால் விரைவில் உதிர்ந்து விடும்.
*அருகம்புல் வேர், சிறியாநங்கை வேர் இரண்டையும் சம அளவில் எடுத்து அரைத்து சாப்பிட்டால் தோல் நோய்கள் குணமாகும்.
*எலுமிச்சை பழச்சாற்றில் தேன் கலந்து முகத்தில் பூசி வந்தால் தோல் சுருக்கம் மறையும்.
*எலுமிச்சம்பழச்சாறு, பாதாம் பருப்பு, தயிர் மூன்றையும் ஒன்றாகச் சேர்த்து அரைத்து முகத்தில் தடவி வந்தால் முகப்பருக்கள் மறையும்.
*எலுமிச்சம்பழச் சாற்றில் லவங்கப் பொடியைக் கலந்து முகத்தில் பூசி வந்தால் கரும்புள்ளிகள் மறையும்.
*நல்லெண்ணெய்யை கோழி முட்டையின் வெள்ளைக் கருவுடன் கலந்து பருக்கள் மீது பூசி வந்தால் விரைவில் மறையும்.
*குப்பை மேனி கீரையை பொடி செய்து தினமும் ஒரு கிராம் அளவில் சாப்பிட்டு வந்தால் இளமையில் ஏற்படும் தோல் சுருக்கத்தை தவிர்க்கலாம்.
*கொத்தமல்லியை அரைத்து 2 நாள்களுக்கு ஒரு முறை முகத்தில் தடவினால் பருக்கள் மறையும்.
*சோற்றுக் கற்றாழையின் சாறை பருக்கள் மீது தடவி வந்தால் பருக்கள் உதிர்ந்து தோல் மென்மை அடையும்.
*முகத்தில் தேவையற்ற முடி
வளர்வதைத் தடுக்க கஸ்தூரி மஞ்சள் பயன்படுத்திக் குளிக்கலாம்.
நன்றி தமிழ் முரசு

இறைத்தூதரை அவமதித்த சவூதி வலைப்பூ பதிவர் மலேசியாவில் கைது

2012-02-11T13:35:00.003+05:30

கோலாலம்பூர்:ட்விட்டர் சமூக இணையதளம் வாயிலாக முஸ்லிம்களின் உயிரினும் மேலான இறைத்தூதர் முஹம்மது நபியை குறித்து கேலி செய்யும் வகையில் விமர்சனம் செய்த சவூதி அரேபியாவை சார்ந்த வலைப்பூ பதிவரை மலேசியா போலீஸ் கைது செய்தது. 23 வயதான ஹம்ஸா கஸ்காரி சவூதி அரேபியா அதிகாரிகளின் உத்தரவின் பேரில் மலேசியாவில் வைத்து கைதானார்.

அரசியல் புகலிடம் தேடி நியூசிலாந்திற்கு செல்லவிருந்த ஹம்ஸா, விமான நிலையத்தில் வைத்து கைது செய்யப்பட்டார்.

கடந்த வாரம் ஹம்ஸா, ட்விட்டர் சமூக வலை தளத்தில் முஹம்மது நபியின் பிறந்த நாளில் அவர்களைக் குறித்து அவமதிக்கும் வகையில் சர்ச்சைக்குரிய கருத்துக்களை ட்விட்டரில் போஸ்ட் செய்தார். இவரின் கருத்துக்களுக்கு எதிராக சவூதி அரேபியா மார்க்க அறிஞர்களும், மக்களும் எதிர்ப்பு தெரிவித்தனர். இதனைத் தொடர்ந்து கஸ்காரி தனது ட்விட்டர் கருத்தை வாபஸ் பெற்றார். இவரின் ட்விட்டர் அக்கவுண்ட் ரத்துச் செய்யப்பட்டுள்ளது.

அமீர்கான்: சிறையில் சீரழிக்கப்பட்ட 14 ஆண்டுகால வாழ்க்கை

2012-02-11T13:30:00.001+05:30

புதுடெல்லி:எந்த குற்றமும் செய்யாமல் பள்ளிப் பருவத்தில்(19-வயதில்) கைது. 14 ஆண்டுகள் தனிமைச் சிறை வாழ்வு. 20 ஜோடிக்கப்பட்ட குண்டுவெடிப்பு வழக்குகள். தளர்வாதத்தால் சோர்ந்து போன தாய். மகன் கைது செய்யப்பட்டு சிறையில் அடைக்கப்பட்டதை நினைத்து மனம் உடைந்து மாரடைப்பால் மரணமடைந்த தந்தை.-இந்தியாவில் ஓர் அப்பாவி முஸ்லிமின் வாழ்க்கை எவ்வாறெல்லாம் சீரழிக்கப்படுகிறது என்பதற்கு அமீர்கான் மீண்டும் ஒரு உதாரணமாக திகழ்கிறார்.

1998-ஆம் ஆண்டு பிப்ரவரி 20-ஆம் தேதி பொய் குற்றச்சாட்டை சுமத்தி சட்டத்திற்கு புறம்பான முறையில் டெல்லி போலீசாரால் அமீர்கான் பிடித்துச் செல்லப்பட்டார். மைமூனாபீ அமீர்கானின் தாயார் ஆவார். மூளையில் இரத்த நாளம் உடைந்து தளர்வாத நோயால் பாதிக்கப்பட்ட அவர் தனது மகனை 14 ஆண்டுகளுக்கு பிறகு சந்திப்போம் என கருதவில்லை.

ஜனவரி 9, 2012 ஆம் ஆண்டு மகன் சிறையிலிருந்து விடுதலையான பிறகு அவரால் தனது மகிழ்ச்சியை உடனடியாக வெளிப்படுத்த இயலவில்லை. கடுமையான முயற்சிக்கு பிறகே வார்த்தைகள் உடைந்து போய் அவரிடமிருந்து வெளியாகின.

முஹம்மது அமீர்கான் மீது டெல்லியை சுற்றி நிகழ்ந்த குண்டுவெடிப்புகள் தொடர்பாக 20 வழக்குகள் சுமத்தப்பட்டன. தற்போது பலத்த சட்டரீதியான போராட்டத்திற்கு பிறகு 17 வழக்குகளிலிருந்து விடுதலையாகிவிட்டார். இம்மாதம்(ஜனவரி)தான் சிறையில் இருந்து வெளியே வந்தார். 3 வழக்குகள் மீதமுள்ளன. 2 வழக்குகளில் மேல்முறையீடுச் செய்யப்பட்டுள்ளது. ஒரு வழக்கில் டெல்லி நீதிமன்றம் ஆயுள் தண்டனையை ரத்துச் செய்தது.

14 ஆண்டுகால சிறை வாழ்க்கைக்குப் பிறகு சிறையில் இருந்து வெளியான அமீர்கான் முதலில் வானத்தை அண்ணாந்து பார்த்தார். “நான் கடந்த 14 ஆண்டுகளாக வானத்தில் நட்சத்திரங்களை பார்க்கவில்லை. நான் உயர் பாதுகாப்பு நிறைந்த தனிமைச் சிறையில் அடைக்கப்பட்டிருந்தேன். இரவு துவங்கும் முன்பே நான் சிறை அறையில் அடைக்கப்படுவேன். ஆதலால் என்னால் கடந்த 14 ஆண்டுகளாக நட்சத்திரங்களை பார்க்க முடியவில்லை. இப்பொழுது நான் வானத்தில் நட்சத்திரங்களை பார்த்து எனது சுதந்திரத்தை உணர்கிறேன்” என்று அமீர்கான் கூறுகிறார்.

14 ஆண்டுகள் தனிமைச் சிறை. மூன்றாம் தர(thirddegree torture) சித்திரவதைகள். அமீர் மாமூலான வாழ்க்கைக்கு திரும்ப பல மாதங்கள் தேவைப்படும்.

இவ்வளவு வழக்குகளில் இருந்து விடுபட்டு சிறையை விட்டு வெளியே வருவோம் என அமீர் நம்பவில்லை. ஆமை வேகத்தில் நடக்கும் நீதிமன்ற நடவடிக்கைகள் அவர் தனது நம்பிக்கையை இழந்திருந்தார்.

“ஒன்றுக்கு மேல் ஒன்றாக 20 வழக்குகளை போலீஸ் என் மீது சுமத்தியது. படு தாமதமான நீதிமன்ற நடவடிக்கைகள் தாம் எனக்கு உச்சபட்ச துயரமாக ஆகிவிட்டது. கடந்த 14 ஆண்டுகளில் நான் மனோரீதியான கவலையால் பாதிக்கப்பட்டேன். உலகம் மிகவும் மாறிவிட்டது. எனக்கு மொபைல் ஃபோனை எப்படி இயக்குவது என்பது கூட தெரியாது. நான் சிறையில் இருந்து வெளியே வந்தபிறகு தான் முதன் முதலாக மொபைல் ஃபோனை பார்க்கிறேன்.” என அப்பாவித்தனமாக கூறுகிறார் அமீர்.

சிறையில் அமீர், மேல்நிலை வகுப்பை தேறாத கைதிகளுக்காக நடத்தப்படும் Bachelor Preparatory Program படிப்பில் தேர்ச்சி பெற்றார். 20 குண்டுவெடிப்பு வழக்குகள் சுமத்தப்பட்ட அமீர்கான் 2011 ஆம் ஆண்டு ‘காரகார்பந்தி ஜீவன்’ என்ற தேசிய சிறை மாத இதழில் 2011-ஆம் ஆண்டு சிறந்த கட்டுரையை எழுதியதற்கான விருதை பெற்றுள்ளார். அவர் எழுதிய கட்டுரைக்கான தலைப்பு ‘மகாத்மா காந்தியும், அணிசேரா இயக்கமும்’ என்பதாகும்.

திஹார் சிறையில் வைத்து இந்திராகாந்தி திறந்த வெளி பல்கலைக்கழகத்தில் (IGNOU)பி.ஏ பட்டப்படிப்பிற்கு சேர்ந்தார்.

தன்னைக் கைது செய்தவுடன் ஒரு தீவிரவாதியின் குடும்பம் என பழி தூற்றி தனது உறவினர்கள் தனது குடும்பத்தை ஒதுக்கி தள்ளியதைக் குறித்து பேசுகையில் உடைந்து போகிறார் அமீர்.

முஸ்லிம் தலைவர்கள் மற்றும் அமைப்புகளின் மனப்பாங்கால் மிகவும் காயப்பட்டுள்ளார். தான் சிறையில் வாடும் வேளையில் எந்தவொரு சமுதாய தலைவர்களும் தனது குடும்பத்தினரை சந்தித்து உதவ முன்வரவில்லை எனக் கூறும் அமீர், பொருளாதார மற்றும் சட்டரீதியான உதவிகளை தன்னந்தனியாகவே தனது குடும்பம் சந்தித்தது என தெரிவிக்கிறார்.

“எனது அண்டை அயலாரும், உற்றார் உறவினரும் என்னை ஒரு தீவிரவாதியாகவே கருதினார்கள். எனது சமூகமும், உறவினர்களும் கூட நாங்கள் உதவிக்காக ஏங்கிய வேளையில் உதவ முன்வராததை நான் சிறையில் இருந்த வேளையில் எனக்கு எனது பெற்றோர்கள் தெரிவித்தனர். அதனால் நான் மிகவும் உடைந்து போனேன்.

அமீரால் தனக்காக வாதாடிய வழக்கறிஞர்களுக்குகூட கட்டணத்தை கொடுக்க முடியவில்லை. வழக்கறிஞர்கள் மனிதநேயத்தின் அடிப்படையில் அமீருடைய வழக்கில் ஆஜராகி வாதாடியுள்ளார்கள்.

சமூகமோ, உறவினர்களோ, சிவில் சமூகமோ எவ்வித உதவியும் தீவிரவாத வழக்குகள் சுமத்தப்பட்ட இந்த அப்பாவிக்கு அளிக்கவில்லை. வயதான, நோயால் பாதிக்கப்பட்ட பெற்றோர்கள்தாம் இந்திய அரசுடன் கடுமையான சட்டரீதியான போராட்டத்தை சொந்தமாக நடத்தியுள்ளார்கள்.

ஆகஸ்ட் 2001-ஆம் ஆண்டு அமீருக்கு நம்பிக்கை அளித்த தந்தை மாரடைப்பால் இறந்து போனார். அதன் பிறகு அவரது சகோதரியும், தாயாரும், தூரத்து உறவினர் ஒருவரும் சட்டரீதியான தொடர் போராட்டத்தில் உறுதுணையாக இருந்துள்ளார்கள். தற்போது அமீரின் விடுதலைக்குப் பிறகு உறவினர்கள் ஒவ்வொருவராக வரத் துவங்கியுள்ளதை எண்ணி அவர் மகிழ்ச்சி அடைகிறார்.

“நான் உயிரோடு இருக்கிறேன். ஆனால் எனது வாழ்க்கையும், எனது குடும்பமும் சீர்குலைந்து விட்டன.” என அமீர் கூறுகிறார்.

போலீசாரின் தவறான குற்றச்சாட்டால் தனது மகன் கைது செய்யப்பட்டு சிறையில் அடைக்கப்பட்ட பிறகு தொடர்ந்து சட்டரீதியாக போராடிய தந்தை மாரடைப்பால் மரணமடைந்தார். அமீரின் குடும்பம் தங்களிடம் இருந்த அனைத்தையும் அவரை சிறையில் இருந்து வெளியே கொண்டுவருவதற்காக செலவழித்துவிட்டார்கள். அவரது தாய் தளர்வாத நோயால்பா திக்கப்பட்டுள்ளார் .மிகவும் பின் தங்கிய குடும்பம் கவனிப்பாரற்று உள்ளது.

சிறையில் இருந்து வெளியே வந்த அமீர் வீட்டில் இருந்து வெளியேசெல்ல அஞ்சுகிறார். “எங்கே நான் வெளியே சென்றால் மீண்டும் என்னை போலீஸ் பிடித்து சித்திரவதைச் செய்து சிறையில் அடைத்துவிடுவார்களா?” என அச்சத்துடன் கேட்கிறார் அமீர்.

அமீருக்கு தற்பொழுது இரண்டு பிரச்சனை. ஒன்று பாதுகாப்பு. இரண்டு மறுவாழ்வு. போலீசுக்கு பயந்து தனக்கு நேர்ந்த கொடுமைகளை குறித்து மீடியாவிடமோ வேறு நபர்களிடமோ பேச தயங்குகிறார் அமீர். இரண்டாவதாக அவரது வாழ்க்கையை கழிப்பதற்கான வேலை தேவை. அவரோ பயத்தால் வெளியே செல்ல தயங்குகிறார். என்ன வேலை செய்வது என்று அவருக்கு தெரியவில்லை. வழிகாட்டவும் ஆள் இல்லை. தனது சுமூகமான வாழ்க்கைக்கு அவர் முஸ்லிம் சிவில் சமூக அமைப்புகளை நம்பியுள்ளார்.

தற்பொழுது இரண்டு வழக்குகள் டெல்லி உயர்நீதிமன்றத்தில் உள்ளன. அவ்வழக்குகளில் வாதாட வழக்கறிஞர்களுக்கு அளிப்பதற்கான குறைந்தபட்ச தொகை கூட அவரிடம் இல்லை.

அமீருக்கு நேர்ந்த இந்த துயரம் அவருக்கு மட்டும் நேர்ந்தது அல்ல. ஒடுக்கப்பட்ட, சிறுபான்மை மக்களுக்கு சம உரிமையை வழங்கும் இந்தியாவை குறித்து கனவு காணும் ஒவ்வொருவருக்கும் ஏற்பட்ட துயரமாகும்.

பாட்லா ஹவுஸ்:போலி என்கவுண்டர் புகைப்படங்களை பார்த்து சோனியா அழுதார் – குர்ஷித்

2012-02-11T13:27:00.003+05:30

ஆஸம்கர்:பாட்லா ஹவுஸ் போலி என்கவுண்டரில் கொல்லப்பட்ட அப்பாவி முஸ்லிம் இளைஞர்களின் புகைப்படங்களை பார்த்து காங்கிரஸ் தலைவி சோனியா காந்தி கண்ணீர்விட்டு அழுதார் என மத்திய சட்ட அமைச்சர் சல்மான் குர்ஷித் கூறியுள்ளார்.

உ.பி மாநிலம் ஆஸம்கரில் தேர்தல் பிரச்சார பேரணியில் உரை நிகழ்த்திய குர்ஷித் முஸ்லிம் வாக்குவங்கியை கவருவதற்காக இத்தகவலை வெளியிட்டார்.

அவர் கூறியது: பாட்லா ஹவுஸ் போலி என்கவுண்டர் நடந்த வேளையில் நான் அமைச்சராக இல்லை. இருந்தபோதிலும் இதனை சோனியா காந்தியின் கவனத்திற்கு கொண்டு சென்றேன். புகைப்படங்களை பார்த்தவுடன் சோனியா காந்தியின் கண்கள் குளமாகின. இவ்விவகாரத்தை அரசின் கவனத்திற்கு கொண்டு செல்ல சோனியா உத்தரவிட்டார். இந்த என்கவுண்டர் குறித்து நீதி விசாரணை நடத்துவதற்கான கட்டம் வரை உருவானது. ஆனால், மக்களவை தேர்தல் நடக்கும் வேளை என்பதால் நீதிமன்றத்திற்கு இவ்விவகாரம் சென்றுவிட்டது’ என குர்ஷித் இரண்டாவது கட்ட வாக்குப்பதிவின் தேர்தல் பிரச்சாரம் முடிவடைய சில மணிநேரங்களே உள்ள நிலையில் கூறினார்.

2008 செப்டம்பர் 19-ஆம் தேதி டெல்லி பாட்லா ஹவுஸில் நடந்த போலி என்கவுண்டரில் போலீஸ் இன்ஸ்பெக்டர் மோகன் சந்திர சர்மாவும், ஜாமிஆ மில்லியாவின் இரண்டு மாணவர்களும் கொல்லப்பட்டனர்.

ஆனால், குர்ஷித்தின் பேச்சுக்கு திக் விஜய் சிங் மறுப்பு தெரிவித்துள்ளார்.”சோனியா காந்தி அழவில்லை. அது சல்மான் குர்ஷித்தின் சொந்த கருத்து” என திக்விஜய்சிங் தெரிவித்துள்ளார்.

மும்பை இரட்டை குண்டுவெடிப்பு: 3 பேரின் தூக்கு தண்டனையை உறுதிச்செய்தது உயர்நீதிமன்றம்

2012-02-11T13:26:00.003+05:30

மும்பை:மும்பை இரட்டை குண்டுவெடிப்பு தொடர்பான வழக்கில் குற்றம் சாட்டப்பட்டுள்ள லஷ்கர்-இ-தய்யிபா உறுப்பினர்கள் என கூறப்படும் 3 பேருக்கு மும்பை உயர்நீதிமன்றம் தூக்குத் தண்டனையை உறுதிச்செய்துள்ளது.

அஸ்ரத் அன்சாரி(32), ஹனீஃப் சையத் அனீஸ்(46), பஹ்மிதா சையத்(43) ஆகியோருக்கு விசாரணை நீதிமன்றம் தூக்குத் தண்டனை விதித்தது. இதில் ஹனிப் அனீஸ், பெஹ்மிதா ஆகியோர் கணவன் மனைவி ஆவர்.

உயர்நீதிமன்ற தீர்ப்பை எதிர்த்து உச்சநீதிமன்றத்தில் மேல் முறையீடு செய்யப்படும் என குற்றம் சாட்டப்பட்டவர்களின் வழக்கறிஞர் தெரிவித்துள்ளார். அப்பீல் மனு தாக்கல் செய்ய 3 வார அவகாசம் வழங்கப்பட்டுள்ளது.

2003 ஜூலை 28-ஆம் தேதி மும்பை இந்தியா கேட்டிலும், ஸவேரி பஸாரிலும் 57 பேரின் மரணத்திற்கு காரணமான குண்டுவெடிப்பு நிகழ்ந்தது. லஷ்கர்-இ-தய்யிபா இயக்கத்தை சார்ந்தவர்கள் என கூறப்படும் 3 பேர் இணைந்து குண்டுவெடிப்பிற்கு சதி திட்டம் தீட்டியதாக அரசு தரப்பு வாதிட்டது. ஏழு பேர் இவ்வழக்கில் குற்றம் சாட்டப்பட்டனர். இதில் 3 பேருக்கு தண்டனை வழங்கப்பட்டுள்ளது. இரண்டு பேர் விடுதலையானார்கள். ஒருவர் அப்ரூவராக மாறினார். இன்னொரு நபர் விசாரணையின் போது மரணமடைந்தார்.

அஜ்மீர் குண்டுவெடிப்பு:ஹிந்துத்துவா தீவிரவாதி சுரேஷ் நாயர் குறித்து தகவல் அளிப்பவர்களுக்கு பரிசு அறிவிப்பு

2012-02-11T13:26:00.001+05:30

புதுடெல்லி:அஜ்மீர் குண்டுவெடிப்பு வழக்கில் தேடப்படும் ஹிந்துத்துவா தீவிரவாதி கேரளாவைச் சார்ந்த சுரேஷ் நாயரை குறித்து தகவல் அளிப்பவர்களுக்கு 2 லட்சம் பரிசு வழங்கப்படும் என தேசிய புலனாய்வு ஏஜன்சி அறிவித்துள்ளது.

சம்ஜோதா எக்ஸ்பிரஸ், மக்கா மஸ்ஜித், மொடாஸா குண்டுவெடிப்பு வழக்குகளில் குற்றம் சாட்டப்பட்டுள்ள தலைமறைவாக இருந்து வரும் இதர நான்கு ஹிந்துத்துவா தீவிரவாதிகள் குறித்து தகவல் அளிப்பவர்களுக்கும் என்.ஐ.ஏ பரிசு அறிவித்துள்ளது.

சுரேஷ் நாயரின் புகைப்படமும், குஜராத் முகவரியும் இந்த அறிவிப்புடன் வெளியிடப்பட்டுள்ளது.

இந்தியாவில் பல்வேறு பகுதிகளில் நிகழ்ந்த குண்டுவெடிப்பு வழக்குகளில் குற்றம் சாட்டப்பட்டு தலைமறைவு ஹிந்துத்துவா தீவிரவாதிகளான சந்தீப் டாங்கே, ராம்ஜி கல்சங்கரா என்ற ராமச்சந்திரா, அமித் என்ற அசோக், மேஹுல் என்ற மஹேஷ் பாய், சுரேஷ் நாயர் ஆகியோர் குறித்து தகவல் அளித்தால் பரிசு வழங்கப்படும் என என்.ஐ.ஏ அறிவித்துள்ளது. இவர்களில் சந்தீப் டாங்கே, ராம்ஜி கல்சங்கரா ஆகியோர் குறித்து தகவல் அளித்தால் 5 லட்சம் ரூபாய் வீதம் பரிசு அளிப்பதாக என்.ஐ.ஏ ஏற்கனவே அறிவித்து இருந்தது. தற்பொழுது பரிசுத்தொகை 10 லட்சம் ரூபாய் வீதமாக உயர்த்தப்பட்டுள்ளது.

2007 அக்டோபர் 11-ஆம் தேதி அஜ்மீரில் நடந்த குண்டுவெடிப்பில் மூன்று பேர் கொல்லப்பட்டனர். 15 பேர் காயமடைந்தனர். கொலைச் செய்யப்பட்ட குண்டுவெடிப்பு வழக்கில் குற்றம் சாட்டப்பட்டவரும், ஆர்.எஸ்.எஸ்ஸின் பிரச்சாரக்குமான சுனில் ஜோஷியிடம் இருந்து 2007 அக்டோபர் 10-ஆம் தேதி வெடிக்குண்டை வாங்கி அஜ்மீருக்கு கொண்டு வந்து தர்காவிற்குள் வைத்தது சுரேஷ் நாயர், மேஹுல், பாவேஷ் பட்டேல் ஆகியோர் என என்.ஐ.ஏவும், ராஜஸ்தான் ஏ.டி.எஸ்ஸும் கண்டுபிடித்தன. குண்டுவெடிப்புகளின் ரகசியம் வெளியே கசியாமல் இருக்க சுனில் ஜோஷியை கொலைச்செய்த வழக்கிலும் மேஹுல் மீது குற்றம் சாட்டப்பட்டுள்ளது.

குஜராத்தில் வசித்துவந்த சுரேஷ் போலீஸ் விசாரணையை துவங்கிய பிறகு தலைமறைவாகிவிட்டார். சுரேஷ் நாயர் உள்பட 5 ஹிந்துத்துவா தீவிரவாதிகள் குறித்து தகவல் அளிக்க விரும்புபவர்கள் ஹைதராபாத்தில் உள்ள கட்டுப்பாட்டு அறையிலோ அல்லது டெல்லியில் உள்ள என்.ஐ.ஏ தலைமையகத்திலோ தகவலை அளிக்கலாம் என என்.ஐ.ஏ வெளியிட்டுள்ள விளம்பரத்தில் குறிப்பிட்டுள்ளது.

கீழ்கண்ட மொபைல் எண்களில் தகவல் அளிக்க விரும்புபவர்கள் தொடர்பு கொள்ளலாம்:

9654447345, 9654446146, 9868815026, 01140623805, 01129947037,04027764488,+91 8285 100100

அல்லது கீழ்கண்ட மின்னஞ்சல் முகவரியில் தொடர் கொள்ளலாம்:

ஊழலுக்கு புரோக்கர் வேலை செய்யும் சோ!

2012-02-11T13:23:00.001+05:30

ஜெயலலிதாவுக்கு எதிரான சொத்துக் குவிப்பு வழக்கில், அரசு தரப்பு சிறப்பு வழக்கறிஞராக செயல்பட்டு வருபவர் ஆச்சார்யார். இவரை கர்நாடக அரசின் தலைமை வழக்கறிஞராக கடந்த ஆகஸ்ட் மாதம் பாரதிய ஜனதா கட்சி நியமித்தது.

இந்த நிலையில் அவர் அந்த பதவியில் இருந்து 08.02.2012 அன்று ராஜினாமா செய்தார். இது குறித்து அவர் ஆங்கில நாளேடு ஒன்றுக்கு கொடுத்த பேட்டியில் ’’ஜெயலலிதாவுக்கு எதிரான சொத்துக் குவிப்பு வழக்கில் அரசு சிறப்பு வழக்கறிஞர் பதவியிலிருந்து விலகுமாறு கர்நாடக அரசு என்னை தொடர்ந்து வற்புறுத்தியது.

அதாவது இவருக்கு அரசின் தலைமை வழக்கறிஞ்சர் பதவியை லஞ்சமாக கொடுத்து விட்டு அதற்க்கு பதிலாக ஜெயாவின் சொத்து குவிப்பு வழக்கின் சிறப்பு வழக்கறிஞர் பதவியிலிருந்து ராஜினாமா செய்யும்படி பாரதிய ஜனதாகட்சி நெருக்கடி கொடுத்துள்ளது. நேர்மையான ஆச்சாரியார் தனக்கு கொடுக்கப்பட்ட அரசின் தலைமை வழக்கறிஞசர் என்ற மணி மகுடம் தேவையில்லை என்று தூக்கி எரிந்து விட்டார்.

முதல்வர் ஜெயாவிற்கு எதிரான சொத்து குவிப்பு வழக்கறிஞசர் என்கிற பதவியே போதும் என்றும் அந்த வழக்கை நேர்மையாக செய்தது முடிப்பேன் என்றும் சூளுரைத்துள்ளார். நாட்டு மக்களின் பணத்தை கொள்ளையடித்து சொத்து குவித்த ஜெயா மற்றும் அவரது கூட்டம் இப்போது முழி பிதுங்கி நிற்கிறது. இந்த கேவலமான காரியத்திற்கு ஜெயாவுக்கும் BJPக்கும் இடையில் தூது போன புரோக்கர் யார் தெரியுமா? அவர்தான் நமது திருவாளர் துக்ளக் சோ. இவர் தன்னை மிஸ்டர் கிளீன் என்று சொல்லிக்கொண்டு இதுபோல் புரோக்கர் வேலை செய்து வருகிறார்.

அதிமுக அரசின் பெயரைக் கெடுக்க சங்கரன்கோவில் கலவரத்தை திமுக தூண்டியதாக தமுமுக சந்தேகம்

2012-02-10T17:22:00.000+05:30

சங்கரன்கோவில்: சங்கரன்கோவிலில் இடைத்தேர்தல் வர இருக்கும் சூழ்நிலையில் ஆளும்கட்சிக்கு உள்ள நற்பெயரை கெடுக்கும் வகையில், திமுகவினர் திட்டமிட்டு இந்த வன்முறையை தூண்டியதாக தமுமுக சந்தேகப்படுகின்றது.

இது குறித்து தமிழ்நாடு முஸ்லிம் முன்னேற்ற கழகத்தின் மேற்கு மாவட்ட தலைவர் மைதீன் சேட் கான் நிருபர்களிடம் கூறியதாவது,

சங்கரன்கோவிலில் கடந்த 7ம் தேதி ஒரு பிரிவினர் ஊர்வலமாக சென்றபோது கழுகுமலை ரோட்டில் உள்ள மதவழிபாட்டு தலத்திற்குள் சில விஷமிகள் கற்களை வீசியுள்ளனர். நியாயம் கேட்க சென்ற முஸ்லிம்கள் மீது கொலைவெறி தாக்குதல் நடத்தப்பட்டுள்ளது. நாட்டிலே தலித்துகளும், முஸ்லிம்களும் எப்போதும் ஒற்றுமையாக தான் இருந்து வருகிறார்கள்.

சில இளைஞர்களின் தவறான செயல்களால் பெரிய அளவில் கலவரம் ஏற்பட்டுள்ளது. திமுக பிரமுகர் ஒருவர் ஊர்வலத்திற்கு தலைமை வகித்துள்ளார். பின்னர் அவர் புறப்பட்டுவிட்டார். அவர் சென்ற பிறகு தான் கலவரம் ஏற்பட்டுள்ளது. தொடர்ந்து முஸ்லிம்களுக்கு சொந்தமான ஏராளமான வாகனங்கள் அடித்து நொறுக்கப்பட்டு, தீவைக்கப்பட்டன. 50 கடைகள் சூறையாடப்பட்டுள்ளன. இதனால் முஸ்லிம்களுக்கு ரூ. 2 கோடி மதிப்பிலான பொருட்கள் நஷ்டம் ஏற்பட்டுள்ளது.

இதை ஈடுகட்டும் வகையில் பாதிக்கப்பட்ட முஸ்லிம்களுக்கு தமிழக அரசு இழப்பீடு வழங்க வேண்டும். கலவரத்தில் ஈடுபட்டவர்களை போலீசார் உடனடியாக கைது செய்ய வேண்டும். சங்கரன்கோவிலில் இடைத்தேர்தல் வர இருக்கும் சூழ்நிலையில் ஆளும்கட்சிக்கு உள்ள நற்பெயரை கெடுக்கும் வகையில், திமுகவினர் திட்டமிட்டு இந்த வன்முறையை தூண்டியதாக நாங்கள் சந்தேகப்படுகிறோம். வன்முறையைத் தூண்டியவர்கள், ஈடுபட்டவர்களை போலீசார் உடனடியாக கைது செய்ய வேண்டும் என்றார்.

அண்ணா பிறந்த நாளுக்காக ஆலயங்களில் சிறப்பு வழிபாடு; சமபந்தி தடபுடல் விருந்து; பல்லிளிக்கும் பகுத்தறிவு!

2012-02-10T17:21:00.001+05:30

கைபர்போலன் கணவாய் வழியாக இந்திய துணைக்கண்டத்தில் நுழைந்த ஆரியர்கள்,பிறப்பின் பெயரால் மனிதர்களில் தீண்டாமையை கடைபிடிப்பதையும்,கடவுளின்பெயரால் கற்பனையான மூடநம்பிக்கைகளையும் விதைப்பதையும் கண்ணுற்ற திரு.பெரியார் அவர்கள், அதை ஒழிப்பதற்கான பகுத்தறிவு முயற்சியில் ஈடுபட்டு ஒரு முடிவெடுத்தார். 'மூட்டைப்பூச்சியை ஒழிக்க வீட்டைகொளுத்திய கதையாக' கடவுளின் பெயரால் நடக்கும் அக்கிரமங்களை ஒழிக்க கடவுளே இல்லை என்ற பிரச்சாரத்தை முன்வைத்தார். அதே பெரியாருடன் பகுத்தறிவு பாதையில் பயணித்து 'ஆரியமாயை' கண்ட அண்ணா, பின்னாளில், தி.க.வை உடைத்து தி.மு.க., ஆனவுடன் 'ஒன்றே குலம் ஒருவனே தேவன்' என்ற தத்துவத்தை முன்வைத்தார். [இதுதான் இஸ்லாமிய கடவுள்கொள்கையாகும்]

பிறகு தி.மு.க. பிளந்து அண்ணாதி.மு.க. உதயமானவுடன், எம்.ஜி.ஆர். மூகாம்பிகையை வழிபட்டார். கருணாநிதியோ மஞ்சள் துண்டுக்கு மாறினார். அதற்கு வியாக்கியானமும் கொடுத்து மறைத்தார்.மேலும், சாய்பாபாவுடனும்,அமிர்தானந்தமயியுடனும் மேடையில் காட்சிதந்து மகிழ்ந்தார். அத்துடன் 'கடவுளை நான் ஏற்றுக்கொள்கிறேனா என்பதைவிட கடவுள் என்னை ஏற்றுக்கொள்ளக்கூடிய பணியை செய்கிறேனா என்பதுதான் முக்கியம்' என்று திருவாய் மலர்ந்தார். ஜெயலலிதாவை சொல்லித்தெரியவேண்டியதில்லை. அவர் அண்ணா தி.மு.க.வை, அத்வானி தி.மு.கவாக நடத்திவருபவர்.

இப்படியான இவர்களின் பகுத்தறிவின் பரிணாம வளர்ச்சியாக[?] இந்த ஆண்டும் அண்ணா நினைவுநாளை முன்னிட்டு கோவில்களில் சிறப்பு வழிபாடும், சமபந்தி விருந்தும் நடைபெற அதில் ஆளுங்கட்சி மந்திரிகள், சபாநாயகர், சட்டமன்ற உறுப்பினர்கள் உள்ளிட்டோர் சமபந்தி விருந்தை ஒரு கட்டு கட்டியுள்ளனர். கோயிலை நம்பக் கூடிய ஒருவர் எப்படி தனது பிறந்தநாள், திருமண நாள், மற்றும் விசேஷ நாட்களில் கோயிலில் சிறப்பு வழிபாடு மேற்கொள்வாரோ, அன்னதானங்கள் வழங்குவாரோ அதே போன்று அண்ணாவின் பிறந்தநாள் அதே கோயிலில் அதே சிறப்பு வழிபாடுகள், அன்னதானங்களுடன் அரங்கேறுகிறது. அண்ணா பிறந்த நாளுக்குக்கும் கோயிலுக்கும் என்ன சம்மந்தம் என இந்த பகுத்தறிவு தடுமாற்றத்தை கண்டிக்கவேண்டிய கி.வீரமணியோ கண்டுகொள்ளவில்லை.

இந்த சிறப்பு வழிப்பாடு-மற்றும் சமபந்திவிருந்து நடைபெறும் கோவில்கள் முன்பாக ஆர்ப்பாட்டம் நடைபெறும் என்றும், நாத்திகரான அண்ணாவின் திதியை கோவில்களில் நடத்துவது ஆலயவிதிமுறைகளுக்கு முரணானது என்றும், கடந்த ஆண்டு அறிவித்த இந்து மக்கள் கட்சி இந்த ஆண்டு 'கப்சிப்'. ஒருவேளை கடந்த ஆண்டு இந்த நிகழ்வை நடத்தியது திமுக., ஆனால் இந்த ஆண்டு நடத்துவது அம்மா கட்சி என்பதாலோ என்னவோ நமக்குத் தெரியவில்லை.

ஆக, தவறான கொள்கைகளில் உறுதியிருக்காது என்ற வாக்கிற்கேற்ப, பகுத்தறிவு என்ற முலாம் பூசிக்கொண்டு பக்தர்களாக வலம்வரும் திராவிட கட்சியினரை, உண்மையான பகுத்தறிவு மார்க்கமான இஸ்லாத்திற்கு அழைக்கிறோம்.' இன இழிவு நீங்க இஸ்லாமே நன்மருந்து' என்ற பெரியாரின் வாக்கை, நீங்கள் உண்மையில் பெரியாரை பின்பற்றுவதாக இருந்தால் இஸ்லாத்தை ஏற்பதன்மூலம் உண்மைப்படுத்த முன்வாருங்கள்.

ஃபலஸ்தீன்:காதர் அத்னானின் உண்ணாவிரதப் போராட்டத்திற்கு ஆதரவு பெருகுகிறது

2012-02-10T17:17:00.002+05:30

காஸ்ஸா:இஸ்ரேல் மருத்துவமனையில் உண்ணாவிரதப் போராட்டத்தை தொடரும் ஃபலஸ்தீன் மனித உரிமை ஆர்வலர் காதர் அத்னானின் உண்ணாவிரதப் போராட்டத்திற்கு ஆதரவு பெருகி வருகிறது. சோசியல் நெட்வர்க் இணையதளங்களில் அத்னானுக்கு ஆதரவாக ஆயிரக்கணக்கானோர் தங்களது கருத்துக்களை பதிவுச் செய்துள்ளனர்.

ஃபலஸ்தீன் எதிர்ப்பு போராட்ட இயக்கமான இஸ்லாமிக் ஜிஹாதின் முக்கிய தலைவர்களில் ஒருவர் 33 வயதான காதர் அத்னான். இவரது உடல் நிலை மோசமடைந்துள்ளதாக மனித உரிமை ஆர்வலர்கள் தெரிவிக்கின்றனர்.

அத்னானை உடனடியாக விசாரணை செய்யவோ, விடுதலைச் செய்யவோ வேண்டும் என சர்வதேச மனித உரிமை அமைப்பான ஆம்னஸ்டி இண்டர்நேசனல் நேற்று முன்தினம் வெளியிட்ட அறிக்கையில் கோரிக்கை விடுத்திருந்தது.

கடந்த டிசம்பர் 17-ஆம் தேதி அத்னானை, அவரது வீட்டில் வைத்து இஸ்ரேலிய போலீஸ் கைது செய்தது. கடந்த மாதம் 10-ஆம் தேதி இஸ்ரேலிய ராணுவ நீதிமன்றம் அத்னானை 4 மாதம் காவலில் வைக்க உத்தரவிட்டது. மே 8-ஆம் தேதி வரை இக்காவல் நீடிக்கும். ஆனால், இஸ்ரேல் அத்னானின் காவலை காலவரையற்று நீட்டிக்கொண்டே செல்ல வாய்ப்புள்ளது என ஆம்னஸ்டி கூறுகிறது.

மருத்துவமனை படுக்கையில் ஆயுதம் ஏந்திய இஸ்ரேலிய படைவீரர்கள் மத்தியில் படுத்துள்ளார் அத்னான். கடந்த 58 தினங்களாக அத்னான் உண்ணாவிரத போராட்டத்தில் ஈடுபட்டுள்ளார். அத்னானுக்கு மருத்துவமனையில் போதிய சிகிட்சை அளிக்கப்படவில்லை என அத்னானை சந்தித்த பிறகு அவரது மனைவி குற்றம் சாட்டியுள்ளார். அவரது உடல்நலம் மோசமடைந்துள்ளது. அத்னான் தண்ணீர் கேட்டபொழுது மருத்துவர்கள் தண்ணீரை அளிக்காமல் அவரை கேலிச் செய்துள்ளனர் என அத்னானின் மனைவி கூறுகிறார்.

சிறைக்கு சென்ற பிறகு அத்னானின் உடல் எடை 27 கிலோ குறைந்துள்ளது. அத்னானுக்கு ஒற்றுமையை உணர்த்தும் விதமாக அவருடைய தந்தை மூஸா நேற்று முன் தினம் உண்ணாவிரதப் போராட்டத்தை துவக்கியுள்ளார்.

ஜெ. உறவுக்காக சொத்துக் குவிப்பு வழக்கிலிருந்து விலக சிறப்பு வழக்கறிஞருக்கு பாஜக அரசு நெருக்கடி

2012-02-10T17:17:00.000+05:30

பெங்களூர்:தமிழக முதல்வர் ஜெயலலிதாவுக்கு எதிரான சொத்துக் குவிப்பு வழக்கில் ஆஜராகி வரும் கர்நாடக அரசின் சிறப்பு வழக்கறிஞர் B.V.ஆச்சார்யா, தனது அட்வகேட் ஜெனரல் பதவியை ராஜினாமா செய்துள்ளார்.

முன்னதாக ஒருவரே சிறப்பு அரசு வழக்கறிஞராகவும், கர்நாடக மாநில அட்வகேட் ஜெனரலாகவும் பதவி வகிக்கக் கூடாது என்று கூறி கர்நாடக உயர் நீதிமன்றத்தில் வழக்குத் தொடரப்பட்டது. மேலும் இந்த இரு பதவிகளில் ஏதேனும் ஒன்றில் மட்டுமே நீடிக்க முடியும் என கர்நாடக அரசு கூறியதையடுத்து தாம் இந்த முடிவை எடுத்ததாக B.V.ஆச்சார்யா தெரிவித்துள்ளார்.

ஜெயலலிதா வழக்கின் சிறப்பு வழக்கறிஞர் பதவியிலிருந்து விலகுமாறு கர்நாடக பாஜக அரசு நிர்பந்தம் செய்தது. இது ஜெயலலிதாவுக்கு சாதகமாக பாஜக அரசு எடுத்துள்ள முடிவாகவே கருதப்படுகிறது. ஆனால், அந்தப் பதவியை ராஜினாமா செய்ய மறுத்துவிட்ட B.V.ஆச்சார்யா, தனது அட்வகேட் ஜெனரல் பதவியை ராஜினாமா செய்துள்ளார்.

அரசு தந்த நெருக்கடியைத் தொடர்ந்து, தனது அட்வகேட் ஜெனரல் பதவியை B.V.ஆச்சார்யா நேற்று ராஜினாமா செய்தார். அவர் தனது ராஜினாமா கடிதத்தை முதல்வர் சதானந்த கெளடாவுக்கு அவர் அனுப்பி வைத்தார்.

இதுகுறித்து B.V.ஆச்சார்யா தெரிவிக்கையில்;”ஜெயலலிதாவுக்கு எதிரான சொத்துக் குவிப்பு வழக்கில் அரசு சிறப்பு வழக்கறிஞர் பதவியிலிருந்து விலகுமாறு கர்நாடக அரசு என்னை தொடர்ந்து வற்புறுத்தியது. இந்த வழக்கு விசாரணையை ஜெயலலிதாவுக்கு ஆதரவாக திசை திருப்ப வேண்டும் என்பதற்காக, பாஜகவின் டெல்லி மேலிடத்தின் உத்தரவின் பேரிலேயே கர்நாடக அரசு எனக்கு நெருக்கடி கொடுத்தது.

பாஜக மேலிடத்தின் இந்த நெருக்கடி எடியூரப்பா முதல் அமைச்சராக இருக்கும் வரை எடுபடவில்லை. தற்போது முதல்வர் சதானந்த கெளடா மூலம் அதனை நிறைவேற்ற பாஜக மேலிடம் முயற்சி செய்கிறது.

நான் ஜெயலலிதாவுக்கு எதிரான வழக்கில் சிறப்பு வழக்கறிஞராக ஆஜராகி வருவது தெரிந்தும் கூட, மாநில அரசு எனக்கு அட்வகேட் ஜெனரல் பதவியைத் தந்தது.

இப்போது நெருக்கடி கொடுத்தால் நான் சொத்து குவிப்பு வழக்கின் சிறப்பு வழக்கறிஞர் பதவியிலிருந்து ராஜினாமா செய்துவிடுவேன் என்று கர்நாடக அரசு தப்புக் கணக்கு போட்டுவிட்டது.

அரசு அட்வகேட் ஜெனரல் பதவியை விட, உயர்நீதிமன்ற தலைமை நீதிபதி நியமித்த சிறப்பு வழக்கறிஞர் பொறுப்பே மேலானது என்று கருதிதான், அட்வகேட் ஜெனரல் பதவியை ராஜினாமா செய்தேன்.” என்று கூறினார்.

தொடர்புக்கு குஜராத்:மனித உரிமை கமிஷனின் அறிக்கையை சட்டசபையில் ஏன் தாக்கல் செய்யவில்லை? – உயர்நீதிமன்றம் கேள்வி

2012-02-10T17:16:00.001+05:30

அஹ்மதாபாத்:குஜராத் இனப்படுகொலை தொடர்பான தேசிய மனித உரிமை கமிஷனின் அறிக்கையை ஏன் சட்டசபையில் தாக்கல் செய்யவில்லை? என குஜராத் மாநில உயர்நீதிமன்றம் மோடி அரசுக்கு கேள்வி விடுத்துள்ளது.

மனித உரிமை கமிஷனின் அறிக்கையை சட்டப்பேரவையில் தாக்கல் செய்யாதது மனித உரிமை மீறல் என நீதிமன்றம் கருத்து தெரிவித்தது. அறிக்கையை பேரவையில் தாக்கல் செய்யாதது குறித்து மாநில அரசு எவ்வித விளக்கமும் அளிக்கவில்லை என ஆக்டிங் தலைமை நீதிபதி பாஸ்கர் பட்டாச்சார்யா, நீதிபதி ஜெ.பி.பர்திவாலா ஆகியோர் அடங்கிய டிவிசன் பெஞ்ச் கூறியது.

2005-ஆம் ஆண்டு என்.சி.ஹெ.ச்.ஆர்.ஒ(தேசிய மனித உரிமை கமிஷன்) அறிக்கை தாக்கல் செய்யப்பட்டது. அறிக்கை கிடைத்து இவ்வளவு காலம் கழிந்த பிறகும் சட்டசபையில் அதனை தாக்கல் செய்யாதது 1993-ஆம் ஆண்டு மனித உரிமை பாதுகாப்பு சட்டத்தை மீறிய செயலாகும் என பெஞ்ச் சுட்டிக்காட்டியது. கலவரத்தில் கொல்லப்பட்ட 500 க்கும் அதிகமான மத நிறுவனங்களுக்கு இழப்பீடு வழங்கவேண்டும் என கடந்த புதன்கிழமை உயர்நீதிமன்றம் உத்தரவிட்டது குறிப்பிடத்தக்கது.

மதநிறுவனங்களை மட்டும் புறக்கணித்துவிட்டு வீடுகளுக்கும், வியாபார ஸ்தாபனங்களுக்கு மட்டும் இழப்பீடு வழங்குவதற்கான மோடி அரசின் தீர்மானம் அரசியல் சட்டத்தின் 14,25,26 பிரிவுகள் உறுதி அளிக்கும் அடிப்படை உரிமைகளை மீறிய செயலாகும் என நீதிமன்றம் தெரிவித்திருந்த

இனப்படுகொலை:எஸ்.ஐ.டி அறிக்கையின் நகலை கேட்டு ஸாக்கியா ஜாஃப்ரி உள்பட 3 பேர் மனு தாக்கல்

2012-02-10T17:13:00.002+05:30

அஹ்மதாபாத்:ஸாகியா ஜாஃப்ரி தொடுத்த வழக்கில் சிறப்பு புலனாய்குழு(எஸ்.ஐ.டி) அறிக்கையின் நகல்களை கோரி ஸாக்கியா ஜாஃப்ரி, சமூக ஆர்வலர்களான டீஸ்டா ஸெடல்வாட், முகுல் சின்ஹா ஆகியோர் விசாரணை நீதிமன்றத்தில் மனுத் தாக்கல் செய்தனர். இந்த மனுக்கள் குறித்து சிறப்பு புலனாய்வு குழுவுக்கு நோட்டீஸ் அனுப்ப நீதிமன்றம் உத்தரவிட்டுள்ளது.

2002-ம் ஆண்டு நடைபெற்ற குஜராத் இனப் படுகொலையின் போது கொடூரமாக கொல்லப்பட்ட காங்கிரஸ் எம்.பி. இஹ்ஸான் ஜாஃப்ரியின் மனைவி ஸாக்கியா ஜாஃப்ரி. தனது கணவரின் உயிரைக் காக்கத் தவறியதாக முதல்வர் நரேந்திர மோடி, மூத்த அரசியல்வாதிகள் 62 பேர் மற்றும் போலீஸார் மீது குற்றம் சுமத்தியிருந்தார். இதுகுறித்து குஜராத் உயர்நீதிமன்றத்தில் வழக்கு தொடுத்தார். அங்கு அவரது மனு நிராகரிக்கப்பட்டது. 2008-ம் ஆண்டு உச்ச நீதிமன்றத்தில் மேல்முறையீடு செய்தார், ஸாக்கியா ஜாஃப்ரி. இவரது புகார் குறித்து விசாரிக்க சிறப்புப் புலனாய்வுக் குழுவை அமைக்கும்படி 2009-ம் ஆண்டு உச்ச நீதிமன்றம் உத்தரவிட்டது.

அதன்படி அமைக்கப்பட்ட சிறப்புப் புலனாய்வுக் குழு, மோடியிடம் இருமுறை விசாரணை நடத்தியது. அதனடிப்படையில் சமர்ப்பிக்கப்பட்ட அறிக்கையில், மோடி மீது குற்றம் சுமத்தப்படுமளவுக்கு ஆதாரம் ஏதுமில்லை என்று தெரிவித்தது. இதன் பின்னர் இந்தப் பிரச்னை குறித்து விசாரிக்க ‘நீதிமன்றத்தின் நண்பராக (அமிகஸ்க்யூரி)’ ராஜு ராமச்சந்திரனை உச்ச நீதிமன்றம் நியமித்தது. அவர் அளித்த அறிக்கை, சிறப்புப் புலனாய்வு அறிக்கையில் குறிப்பிடப்பட்டிருந்த பல்வேறு விஷயங்களிலிருந்து வேறுபட்டு இருந்தது. இதன் பின்னரே ஸாக்கியா ஜாஃப்ரியின் மனு குறித்து விசாரிக்கும்படி குஜராத் விசாரணை நீதிமன்றத்துக்கு உச்ச நீதிமன்றம் உத்தரவிட்டது.

இதனடிப்படையில் சிறப்புப் புலனாய்வுக் குழு விசாரணை மேற்கொண்டது. விசாரணையின் அறிக்கையை பிப்ரவரி 8-ம் தேதி விசாரணை நீதிமன்றத்தில் தாக்கல் செய்தது. இந்த அறிக்கையில் மோடி மீது குற்றம் ஏதும் சுமத்தப்படவில்லை என்று தகவலறிந்த வட்டாரங்கள் தெரிவித்தாலும், அதிகாரபூர்வமாக தகவல்கள் ஏதும் அறிவிக்கப்படவில்லை.

இந்த அறிக்கையின் நகலை தனக்கு அளிக்கும்படி ஸாக்கியா ஜாஃப்ரி வியாழக்கிழமை விசாரணை நீதிமன்றத்தில் மனுத் தாக்கல் செய்தார். மனுவில் உச்ச நீதிமன்ற வழிகாட்டுதலின்படி விசாரணை நடைபெற்றுள்ளதா என்றும், அறிக்கையின் முடிவு இறுதியானதுதானா என்றும் கேட்டிருந்தார்.

இந்த மனு மீது பிப்ரவரி 13-ம் தேதி விசாரணை நடைபெறும் என்று நீதிமன்றம் உத்தரவிட்டது. இது குறித்து கருத்து தெரிவித்த ஸாக்கியா ஜாஃப்ரி, பத்திரிகைகளில் வந்துள்ள செய்திகளின்படி மோடி மீது குற்றச்சாட்டு ஏதும் சுமத்தப்படவில்லை எனில், அது தனக்கு மிகப்பெரிய ஏமாற்றமாக இருக்கும் என்று தெரிவித்தார்.

சிறப்புப் புலனாய்வு அறிக்கை குறித்து கருத்து தெரிவித்த ஜாஃப்ரியின் மகன் தன்வீர் ஜாஃப்ரி, விசாரணை நடத்தும்படி உச்ச நீதிமன்றம் உத்தரவிட்டதே மிகப் பெரிய வெற்றி என்று குறிப்பிட்டார். மேலும் விசாரணை அதிகாரியே நீதிபதியாக செயல்பட்டால் தாங்கள் எதற்கு நீதிமன்றத்தை நாடவேண்டும் என்றும் கேள்வியெழுப்பினார்.

ஹலோ! நான் அயோத்தி ராமர் பேசுகிறேன்!

2012-02-10T17:13:00.000+05:30

1) ரிங் ரிங் ..ஹலோ ... யாரு பேசுறது அத்வானியா? ஆமா நீங்க யாரு . நான்தான் ராமர் பேசுறேன். எந்த ராமரு! என்னை வைத்து கட்சி நடத்தி விட்டு என்னையே மறந்துட்டியா?

உன் பத்திரிகை பேட்டி பார்த்தேன் "வாழ்நாளில் ராமர் கோவில் கட்டுவது தான் என் இலட்சியம்"  என்ற வார்த்தையை கேட்டு மெய்மறந்து விட்டேன். ஏன்பா அயோத்தியாவில் மட்டும் ராமர் கோவில் கட்டினா போதுமா?

நாடாளுமன்றத்தில் ஒரே சண்டையும், கூப்பாடுமா இருக்குது.அந்த கட்டிடம் நமக்கு தேவையா? முதலில் அதை இடித்து விட்டு ராமர் கோவில் கட்டு. காங்கிரஸ்காரங்க நம்ம ஆளுதான் அவர்களிடம் பேசு ஒத்துகொள்வார்கள். BJPக்கு எல்லாம் கட்சி அலுவலகம் தேவையா?  அதையெல்லாம் உடைத்து விட்டு கோவில் கட்டுங்கள்.

எந்த BJP அலுவுலகத்திலாவது எனக்கு ஒரு கோவில் கட்டி இருக்கியா? நீயெல்லாம் ஒரு பக்தனா! எல்லாம் அரசியல்தானா. சரி மனு தர்மம் இருக்கும் போது எதுக்குப்பா அம்பேத்கர் எழுதிவைத்த சட்ட புத்தகமெல்லாம். உயர்நீதி, உச்சநீதி மன்றம் என்று சொல்லிக்கிட்டு ஒரே பிரச்சனை. அதை இடித்துவிட்டு கோவிலை கட்டு.

சரிங்க சாமி இனி போன் பண்ணாதீங்கள் போனை ஒட்டு கேட்கிறார்கள் தெரியுமா?  இனி எதுவந்து சொல்றதா இருந்தாலும் கனவுல வந்து சொல்லுங்கள் சரியா! எல்லாத்தையும் என்தலையிலே கட்டி விட்டுடாதீன்கள். மோடியிடம் கொஞ்சத்தை தள்ளிவிடுங்கள்.

2)  நான் ராமர் பேசுறேன் மோடியா? ஆமா! எந்த ராமரு!!  என்னை வைத்து கட்சி நடத்தி விட்டு என்னையே மறந்துட்டியா? சாரி சாமி கும்பிடுறேனுங்க! இந்த நடிப்புக்கு எல்லாம் குறைச்சல் இல்ல.

இப்பத்தான் அத்வானியோட பேசினேன். போங்க சாமி அவனைபத்தி என்கிட்ட பேசாதீங்க,  நான் பிரதமரா வரலாமுன்னு பார்த்தா அவன் விடமாட்டேன்கிறான். ஒரே கட்சிக்குள்ள இருந்துகிட்டு சதி பண்றான்.

அவன் என்பெற சொல்லி கலவரம் பண்ணி தப்பிச்சிட்டான். அவன்மேல யாரும் கைவைகிறார்களா? நீதான் குஜராத் குள்ளேயே குப்பை கொட்டுற. நீ என்பெயரை சொல்லாம கலவரம் பண்ணி இப்போ போலிசு, கோர்ட்டு என்று மாட்டிகிட்டு முழிக்கிற. இனி எது செய்தாலும் என்பெயர சொல்லு.

இந்த கோர்ட்டு, சி.பி.ஐ. போலீஸ் ஸ்டேசன் எல்லாம் இருக்கிறதால் தானே உங்களை புடிச்சி வழக்கு போடுகிறார்கள். முதலில் அதையில்லாம் இடிச்சி தள்ளிவிட்டு கோவில் கட்டுங்கள். இப்படி எதையாவது ஒழுங்கா செய்தால்தான் உன்னை பிரதமர் ஆக்குவார்கள் புரிந்ததா அபிஷ்டு.

3) ஹலோ.. ஜெயலிலதாவா நான் அயோத்தி குழந்தை ராமர் பேசுறேன். இப்பத்தான் மோடியோட பேசினேன். நீ அவன் சொல்வதை கேட்டு ஆட்சி நடத்துகிறாய் சந்தோசம். அவனை போல் எல்லா கேஸ்களில் இருந்தும் தப்பிவிட்டாய். புதிய சட்ட மன்றத்தை வேண்டாம் என்று சொன்னாயே! அதை இடித்து தமிழக பக்தர்கள் என்னை வழிபட ராமர் கோவில் ஏன் கட்ட மறந்தாய்.

4) ஹலோ நான் ராமர் பேசுறேன் இந்து முன்னணி ராமகோபால ஐயரா? ஆமா! எந்த ராமரு!!என்னை வைத்து கட்சி நடத்தி விட்டு என்னையே மறந்துட்டியா? சாமி கும்பிடுறேனுங்க!

எனக்கு அயோத்தியாவில் கோவில் கட்ட போறேன்னு பொய் சொல்லிகிட்டா அலையுரே. எதுக்குப்பா தமிழ் நாட்டில் இருந்து அயோத்திக்கு போயி ராமர்கோவில் கட்ட கஷ்டப்படுறே. தமிழ்நாட்டில் அங்கங்கே கட்டி விடவேண்டியதுதானே. ராமர் பாலம்னு சொல்லி சேது சமுத்திரத்திட்டத்தை தடுக்கிறே. சரி எந்த கடல் கரையிலாவது எனக்கு ஒரு கோவில் கட்டி இருக்கியா?

கூடன்குளம் அணு மின்நிலையத்தை திறக்கணும் என்று மல்லுகட்டுற. அதனால் என்ன பிரோஜனம் உனக்கு. அதனால் ஏற்ப்படும் பாதிப்பால் கொஞ்சமான மக்களைத்தானே கொல்ல முடியும். அதனால் அங்கே ராமர் கோவில் கேட்டபோறேன் என்று சொல்லு அதைவைத்து கலவரம் நடத்தி நிறையபேரை கொல்லலாம் அதுதானே உன் ஆசை.

5)  ஹலோ நான் ராமர் பேசுறேன் இடையூரப்பாவா? ஆமா! எந்த ராமரு!! என்னை வைத்து கட்சி நடத்தி விட்டு என்னையே மறந்துட்டியா? நல்லா ஊர் சொத்தை கொள்ளை அடித்து முதல்வர் பதவியும் தொரந்திட்டே. திப்புசுல்தான் நாடகத்தை போடக்கூடாது என்று தடை செய்யச்சொல்லிகலவரம் செய்து பல உயிர்களை பறித்து எல்லோரும் மகாபாரதம் பார்க்கச்சொன்னோம்.எல்லோரையும் மகாபாரதம் பார்க்க சொல்லிவிட்டு நாம் மட்டு காம சூத்திரா பார்கிறோமே.

6) ஹலோ நான் ராமர் பேசுறேன் பால்தாக்ரேயா? ஆமா! எந்த ராமரு!! என்னை வைத்து கட்சி நடத்தி விட்டு என்னையே மறந்துட்டியா? நீ என்னப்பா என்னை மறந்துவிட்டு பிள்ளையாரை தூக்கி பிடிக்கிறே. பிள்ளையாரை தூக்கி போடு என்னை கையில் எடு அப்போதான் நீயும் முன்னுக்கு வரமுடியும். சிவாஜிக்கு கடலில் சிலைவைக்க பலகோடி செலவு செய்கிறாய். யார் அந்த சிவாஜிஎன்னை விட உயர்ந்தவனா?

7) ஹலோ தினமலர் பத்திரிக்கையா நான் ராமர் பேசுறேன். நல்லா நம்ம ஆர்.எஸ்.எஸ். சங்கபரிவாருக்கு ஊதுகுழலா இருக்கீங்கள். தமிழ் நாட்டில் பத்திரிகை நடத்தி கொண்டு தமிழ் மக்களுக்கு எதிரா செயல்பட உங்கள் அளவுக்கு தைரியம் யாருக்கும் வராது. தொடர் குண்டு வெடிப்புகளை நடத்தியது ஆர்.எஸ்.எஸ். என்ற உண்மை வெளியே வந்தபோது அந்த செய்தியை இருட்டிப்பு செய்தது சூப்பர். இந்தியா அளவுக்கு நீங்கள் முன்னேற வேண்டும் என்றால் தினமலர் பத்திரிகை அலுவுலகத்தை உடைத்து விட்டு ராமர் கோவில் கட்டுங்கள்.

அந்த மாணவனின் கையில் யார் கத்தியைக் கொடுத்தது?

2012-02-10T17:12:00.001+05:30

நேற்றைய தொலைக்காட்சிகளிலும், இன்றைய பத்திரிகைகளிலும் இதுவே முக்கிய செய்தி. தன்னை நோக்கி கத்தியுடன் வந்த மாணவன் இர்ஃபானைப் பார்த்து டீச்சர் உமாமகேஸ்வரிக்கு வந்த பயமும், பதற்றமும் ஒட்டு மொத்த சமூகத்திற்கும் இன்று வந்திருக்கிறது. அதனை எதிர்கொள்ள, தப்பிக்க அல்லது முறியடிக்க கூடவே சிந்தனைகளும் முளைக்கின்றன.

“அந்தச் சிறுவன் ஒரு மனநல நோயாளி”, “அவனைத் தூக்கில் போட வேண்டும்”, “வளர்ப்பு சரியில்லை எனவே பெற்றோரையும் தண்டிக்க வேண்டும்”, “சினிமாக்களும், தொலைக்காட்சிகளும்தான் இதுபோன்ற வன்செயல்களுக்கு வித்திடுகின்றன” இப்படியான கருத்துக்கள் அதிகமாக வெளிப்பட்டுக்கொண்டு இருக்கின்றன.

“யாரும் பெயில் கிடையாது என்னும் பெயரை சம்பாதிக்க பள்ளிகள் மாணவர்களுக்கு கொடுக்கும் நெருக்கடிகளே காரணம்”, “ மார்க்குகளை மட்டுமே முக்கியமாகக் கருதும் இந்தக் கல்விமுறையே காரணம்”, “தொடர்ந்த கட்டாயங்களால் ஏற்படும் மன அழுத்தம் இதுபோன்ற குற்றங்களுக்கு கொண்டு செல்கிறது” என நிதானமாக கருத்துக்களும் முன்வைக்கப்படுகின்றன.

இவைகள் வெறும் உணர்ச்சிகளின் தரப்பிலிருந்தும் அல்லது முற்றிலும் அறிவின் தரப்பிலிருந்தும் சமூகத்தின் முன்னே நடத்துகிற உரையாடல்களாகத் தெரிகின்றன. தற்காலிகமான ஆனால் உடனடியான தீர்வுகளுக்கான அல்லது நிரந்தரத்தீர்வுகளுக்கான வழிகளை ஆராய்வதாக இருக்கின்றன. இவைகள் யாவிலும் உண்மைகளின் கூறுகள் இருப்பினும், மனித மனங்கள் பற்றி நிறைய பேச வேண்டியிருகிறது நாம். ஒரு கொலை, அதன் பின்னணி, கொலை செய்யப்பட்டவர், கொலை செய்தவர், ஆயுதம், சாட்சிகள் என்ற ரீதியில் இதனை ஒரு கேஸ் கட்டுக்குள் அலசிடமுடியாது.

கொலைசெய்யப்பட்ட ஆசிரியையின் மகள் தொலைக்காட்சியில் பேசுவதைப் பார்க்க கஷ்டமாயிருந்தது. “எங்க அம்மா ரொம்ப நல்லவங்க. எல்லார்ட்டயும் அன்பா இருப்பாங்க” என்று குரல் தழுதழுக்கச் சொல்லும்போது நமக்கும் தொண்டை அடைக்கிறது. எப்பேர்ப்பட்ட இழப்பு அந்த குடும்பத்துக்கு. இனி அதை யாரால், எப்படி திரும்பக் கொண்டு வந்து சேர்த்துவிட முடியும்? அந்தக் கேவல்களை எப்படி நிறுத்த முடியும்?

“நான் தவறு செய்துவிட்டேன். என்ன தண்டனை வேண்டுமானாலும் கொடுங்கள். நான் என் பெற்றோர்களையும் பார்க்க விரும்பவில்லை” என இர்ஃபான் அளித்துள்ள வாக்குமூலம், அவன் தன்னை உலகிலிருந்தே துண்டித்துக் கொள்ள முயல்பவனாகக் காட்டுகிறது. “அந்த டீச்சர் கதறியது என் கண்ணுக்குள்ளேயே இருக்கிறது” எனச் சொல்வதில் அவன் அடையும் சித்திரவதை இருக்கிறது.

இப்படிப்பட்ட இர்ஃபான் கையில் கத்தியையும் அவனது சிந்தையில் தன் டீச்சரைக் கொல்ல வேண்டும் எனகிற வெறியை யார் திணித்தது? இரண்டுநாளாய் கத்தியை தனது புத்தக்கட்டுக்குள் வைத்து திட்டமிட்டு இருந்திருக்கிறான். தக்க தருணம் எதிர்பார்த்திருக்கிறான். ஒரு குத்து அல்ல. மாறி மாறி குத்தியிருக்கிறான். கையெடுத்துக் கும்பிட்ட பிறகும் குத்தியிருக்கிறான். அவ்வளவு ஆத்திரம் அவனுக்குள் எப்படி விதைக்கப்பட்டது? இதுதான் பெரும் ஆச்சரியமாகவும், அதிர்ச்சியாகவும் இருக்கிறது.

பெண்கள் உயர்நிலைப்பள்ளியில் ஆசிரியையாக இருக்கும் என் மனைவி செய்தியை படித்துவிட்டு, “இப்போல்லாம் பிள்ளைங்கள எதுவும் சொல்லவே பயமா இருக்கு. உடனே அழுது தள்ளிருவாங்க. நிப்பாட்டவே மாட்டாங்க.” எனச் சொல்லி வந்தவள், “ஆனா, எல்லோரையும் பொதுவா சத்தம் போட்டா அமைதியா இருப்பாங்க. அல்லது சிரிக்கக்கூடச் செய்வாங்க” என்றாள். “அதே மாதிரி, தனியா அழைத்துப் போய் கடுமையாப் பேசினாலோ, புத்திமதி சொன்னாலோ கேட்டுக்குவாங்க. அழல்லாம் மாட்டாங்க. ஆனா அதுக்குல்லாம் எங்க நேரம்? ஒரு வகுப்பிலேயே நாப்பது ஐம்பது புள்ளைங்க இருக்காங்க” என்றும் சொன்னாள். இந்த இடம்தான் வெளிச்சம் காட்டுவதாக இருக்கிறது.

இன்றைய குழந்தைகள் பொதுவெளியில் தங்களுக்கு ஒரு தோல்வியோ, அவமானமோ நிகழ்ந்தால் அதனைத் தாங்கிக்கொள்ள முடியாதவர்களாக இருக்கிறார்கள். தவறுகளை எப்படி யாருக்கும் தெரியாமல் செய்கிறார்களோ அதுபோல தண்டனைகளையும் மற்றவர்களுக்குத் தெரியாமலேயே அனுபவித்துவிட தயாராய் இருக்கிறார்கள். வெளிப்படையாய் தங்கள் பலவீனங்களை ஒப்புக்கொள்ள மறுக்கிறார்கள். மனித மனத்தின் பொதுவான தன்மைகள் இவற்றிலிருப்பினும் இன்றைய குழந்தைகள் மிக தீவீரமாகவும், நுட்பமாகவும் இவ்விஷயத்தில் இருக்கிறார்கள். ஏனென்றால் உலகில் அவர்கள் தங்களை மட்டுமே மிக அதிகமாக நேசிக்கிறார்கள். அதல் சிராய்ப்புகள் வருவதைக் கூட தாங்கிக்கொள்ள முடிவதில்லை. தங்களிடமிருக்கும் இந்த அன்பை எப்படி உலகம் முழுமைக்கும் அவர்களை பரிமாற வைப்பது என்பதுதான் இன்றைய சமூகத்தின் சவால். நிகழ்காலத்தின் கேள்வி. டீச்சர் உமா மகேஸ்வரியின் மரணம் இரத்தம் சிந்த சிந்த படுகொலையாக நிகழ்த்தப்பட்ட புள்ளி இதுவாகவும் தெரிகிறது.

ஒருவேளை, நேற்று வகுப்பறையில் உட்கார்ந்திருந்த உமாமகேஸ்வரி டீச்சர், அந்த மாணவன் உள்ளே நுழைந்ததும், “வா, இர்ஃபான் முதல் ஆளா கிளாஸுக்கு வந்திருக்கியே. சந்தோஷமாயிருக்கு. இப்படி இருந்தா நீ எவ்வளவோ சாதிக்கலாமே” என்கிற தொனியில் பேசி முகம் மலர்ந்து வரவேற்றிருந்தால் அந்தக் கத்தி இர்ஃபானின் பையிலேயே இருந்திருக்கலாம். உமா மகேஸ்வரி அவர்களும் இப்போது ஒரு வகுப்பில் பாடம் எடுத்துக்கொண்டு இருந்திருக்கலாம். நானும், நேற்றைய பதிவுக்கு nellaiconspiracy என்னும் நண்பர் கேட்டிருந்ததற்கு பதில் சொல்லிக்கொண்டு இருந்திருக்கலாம்.

யோசித்துக்கொண்டே இருக்கிறேன். கேள்விகள் எழுந்துகொண்டே இருக்கின்றன.

அமெரிக்காவி்ற்கு பொம்மை விமானத்தை அனுப்புகிறது ஈரான்

2012-02-07T19:44:00.000+05:30

ஈரான் வான்எல்லைப்பகுதியில், அத்துமீறி நுழந்தை அமெரிக்காவின் ஆளில்லா உளவு விமானம் ஈரான் ராணுவத்தினரால் சுட்டுவீழத்தப்பட்டது. அந்த விமானத்தை போன்று மாதிரி பொம்மை விமானத்தை அமெரிக்காவிற்கு அனுப்பி வைக்க ஈரான் முடிவு செய்துள்ளது.

கடந்த டிசம்பர் 5-ம் தேதியன்று ஆப்கானிஸ்தான் எல்லைப்பகுதியையொட்டி உள்ள ஈரான் ராணுவ முகாம்களை வேவு பார்க்க அமெரிக்கா அனுப்பிய ஆர்.-க்யூ-170 என்ற ஆளில்லா உளவு விமானம் ஈரான் ராணுவத்தினரால் சுட்டுவீழ்த்தப்பட்டது.அந்த விமானம் தற்போது ஈரான் வசம் உள்ளது. இதையறித்த அமெரி்க்கா, அந்த ஆளில்லா உளவு விமானத்தை திருப்பிதர ஈரானுக்கு கோரிக்கை விடுத்தது.

இது குறித்து ஈரான் வானொலி வெளியிட்டுள்ள செய்தியில் கூறப்பட்டுள்ளதாவது: அமெரிக்க திருப்பி கேட்ட உளவு விமானத்திற்கு பதிலாக ‌பொம்மை விமானம் ஒன்றை அதே போன்று தயாரித்துள்ளளோம் , 30 செ.மீ. நீளமும், 14 செ.மீ. அகலும் கொண்ட பொம்மை விமானம் 70 ஆயிரம் ரியால், (6 டாலர்) மதிப்புள்ளது. இந்த பொம்மை விமானத்தை, வரும் பிப்ரவரி 5-ம் தேதி ஈரான் நாட்டின் இஸ்லாமிய குடியரசு தோன்றியதன் 34-ம் ஆண்டு விழா கொண்டாடப்படவுள்ளது . அப்போது அமெரிக்காவிற்கு அனுப்பி வைக்கவுள்ளோம். இவ்வாறு அந்த வானொலி வெளியிட்ட செய்தியில் தெரிவித்துள்ளது.

நாடெங்கும் இஸ்ரேலிய உளவாளிகள்?

2012-02-07T19:39:00.001+05:30

இரண்டாண்டுகளுக்கு முன் கேரளா வந்து தங்கியிருக்கும் இஸ்ரேலிய தம்பதியினர் ரகசிய உளவாளிகளா? என்று மத்திய உளவுத்துறை சந்தேகம் அடைந்துள்ளது. அவர்கள் சந்தேகத்திற்குரிய செயல்களில் ஈடுபட்டுவருவதால் விரைவில் நாட்டைவிட்டு வெளியேற்றப்படுவார்கள் என்று தெரிகிறது.

ஷினோர் ஸல்மான், யஃப்ஃபா ஷினாய் என்னும் பெயர்களினைக் கொண்ட இத்தம்பதி ஃபோர்ட் கொச்சியின் ரோஸ் சாலையில், 50,000 ரூபாய் மாத வாடகைக்கு வீடு எடுத்துத் தங்கியுள்ளனர். மாத வாடகை 50,000 ரூபாய்கள் என்பது அந்த ஸ்தலத்தில் மிக மிக அதிகபட்ச வாடகையாகும்.

"மாத வாடகைத் தொகையே இவர்கள் மீதான முதல் ஐயத்திற்கு வித்திட்டது" என்று கூறிய மத்திய உளவுத்துறை அதிகாரி ஒருவர், "தினமும் ஒரு குழுவினர் வந்து இத்தம்பதிகளைச் சந்தித்துச் செல்வதும், அச்சந்திப்பு நீண்ட நேரம் நீடிப்பதும் மேலும் ஐயத்தை உறுதி செய்தது" என்றார்.

"மும்பையில் சம்பவித்த 26/11 துர்ச்சம்பவத்திற்குப் பிறகு (அதில் யூத மதகுரு, அவர் கர்ப்பிணி மனைவி உள்ளிட்ட ஆறு யூதர்கள் கொல்லப்பட்டிருந்தனர்) நாட்டின் அநேக நகரங்களில் இஸ்ரேலியர்கள் சுற்றுலாவில் வந்து குடியேறியுள்ளதை தற்செயலானது என்று கருத இயலாது" என்றும் அவர் கூறினார்.

கடந்த திங்களன்று அவர்களுக்கு நாட்டை விட்டு வெளியேற உத்தரவிடப்பட்டதாகவும், அதற்குமுன் அவர்களிடம் முறையான விசாரணையும், அவர்களின் நிதி ஆதாரங்கள் மீதான விசாரணநடைபெறும் என்றும் தெரிகிறது.

நாடெங்கும் பல்வேறு நகரங்களில் இஸ்ரேலியர்கள் வந்தமர்ந்துள்ளதாக உளவுத்துறை 'தகவல்' ஒன்று தெரிவிக்கிறது.

ஈரான் மீதான தடை: எண்ணெய் விலை கடுமையாக உயரும் – குவைத் எச்சரிக்கை

2012-02-07T19:22:00.000+05:30

குவைத் சிற்றி:ஈரான் மீதான தடை நீண்டால் அல்லது அந்நாட்டின் மீது தாக்குதல் நடத்தினால் சர்வதேச சந்தையில் கச்சா எண்ணெய் விலை கடுமையாக உயரும் என குவைத் பெட்ரோலியம் கார்ப்பரேசனின் உறுப்பினர் எச்சரிக்கை விடுத்துள்ளார்.

தடை தொடரும் சூழலில் ஹோர்முஸ் ஜலசந்தியை ஈரான் மூடினாலோ அல்லது போர் உருவானாலோ நிலைமை மிகவும் சீர்குலையும். கச்சா எண்ணெயின் விலை பேரலுக்கு 160 டாலராக உயரும் என குவைத் பெட்ரோலியம் கார்ப்பரேசன் உறுப்பினர் அலி அல் ஹஜேரி கூறினார்.

தற்போது எண்ணெய் விலை 100 டாலருக்கும் 105 டாலருக்கும் இடையே உள்ளது. உற்பத்தியாளர்களுக்கும், பயனீட்டாளர்களுக்கும் பாதகம் ஏற்படுத்தாத விலையாகும். இதை விட கச்சா எண்ணெய் விலை கடுமையா உயர்ந்தால் அது உலக பொருளாதார கட்டமைப்பை சீர்குலைத்துவிடும் என அலி அல் ஹஜேரி எச்சரிக்கை விடுத்துள்ளார்.

மூட்டுவலியும்(Arthritis) முடக்காத்தானும்(Balloon Vine)

2012-02-07T19:21:00.001+05:30

நம்மில் பலரும் மூட்டுவலியினால் (ஆர்த்ரைடிஸ்-Arthritis) அவதிப்படுகிறோம். இதற்கான மூலகாரணம் நாம் அறியவேண்டியது ஒன்று நாம் சிறுவயதில் ஓடி ஆடி விளையாடுகிறோம். சிறுவயதில் சிறுநீர் கழிக்க வேண்டுமானால் உடனடியாக செய்துவிடுகிறோம். வயதானால் நல்ல டாய்லட் அல்லது வேறு பல காரணங்களால் அடக்கிக் கொள்கிறோம். சிறுநீரகங்களில் சிறுநீர் நிரம்பி இருந்தாலும், நாம் சரியான இடத்திற்காக, நேரத்திற்காக அடக்கி வைக்கிறோம் இந்த நிலை பெண்களுக்கு 10 வயது முதலும், ஆண்களுக்கு 18 வயது முதலும் ஆரம்பிக்கும். இந்த நேரங்களில் நமது சிறுநீரகங்கள் சிறுநீரை வெளியேற்ற இயலாமல் தவிக்கிறது.
அப்பொழுது மூளையிலிருந்து செல்லும் உத்தரவு மூலமாக தற்காலிகமாக சிறுநீரகம் தன் வேலையை நிறுத்தி வைக்கிறது. இதனால் நம் உடலில் ஓடும் ரத்தம், சிறுநீரை வெளியேற்றாமல் அப்படியே எல்லா இடங்களுக்கும் செல்கிறது. அவ்வாறு செல்லும்போது இரத்தத்தில் உள்ள யூரிக் ஆசிட் கிறிஸ்டல்ஸ் (uric acid crystals) மூட்டுகளில் படிந்து விடுகிறது. இந்தச் சிறு சிறு கற்கள் சுமார் சினோரியல் மெம்கிரேம் (நமது மூட்டுகள் நம் எண்ணத்திற்கு ஏற்ப அசைவதற்கு உதவும் ஒரு தசை) என்னும் இடத்தில் உட்கார்ந்து விடுகிறது. இது பல வருடங்களாக தொடர்ந்து நடைபெறுகிறது.

சிலருக்கு 35 வயதுக்கு மேல் காலை படுக்கையை விட்டு எழும்பொழுது இடுப்பு, பாதம், கை, கால் முட்டிகளில் அதிக வலி இருக்கும். இதுதான் ருமாட்டாயிட் ஆர்த்ரைட்டிஸின்(rheumatoid arthritis) ஆரம்ப நிலை.
இந்தியாவில் 65 சதவிகித மக்கள் இந்த வகை மூட்டு வலியினால் பாதிக்கப்படுகின்றனர். இதில் 85 சதவிகிதம் பெண்கள். பலவிதமான மருத்துவ முறைகளில் இந்த நோய்க்கு மூலகாரணம் கண்டுபிடித்து மருந்து அளிப்பதில்லை. நம் முன்னோர்கள் 2000 வருடங்களுக்கு முன்பே இயற்கை மருத்துவ குணம் கொண்ட கீரையை நமக்கு அறிமுகப்படுத்தி உள்ளார்கள். அதுதான் முடக்கத்தான் கீரை.

ஆஸ்திரேலியாவில் உள்ள குயின்ஸ் யுனிவர்சிட்டியிலிருந்து இந்தியாவின் சில மூலிகைகளை காப்பாற்றியும், அதில் உள்ள மருத்துவக் குணங்களையும், எந்த மூலக்கூறு ஒவ்வொரு மூலிகையிலும் எந்தெந்த வியாதிகளுக்கு நிவாரணம் அளிக்கிறது என்பதைப் பற்றியும் கூட்டு முயற்சியில் செயல்பட்டார்கள்.
அப்போது முடக்கத்தானிலுள்ள தாலைட்ஸ் ஒரு குறிப்பிட்ட விகிதத்தில் யூரிக் ஆசிட்டைக் கரைக்கும் சக்தி படைத்திருப்பதை அறிந்து, மேலும் இந்த ஆராய்ச்சியில் ஈடுபட்டு வெற்றியும் கண்டுள்ளார்கள்.
இதன் சிறப்புக் குணம் நமது மூட்டுகளில் எங்கு யூரிக் ஆசிட் இருந்தாலும் அதைக் கரைத்து. சிறு நீரகத்திற்கு எடுத்துச்சென்று விடும். இதுபோல் எடுத்துச்சென்று சிறுநீராக வெளியேற்றும்போது, அது சோடியம் மற்றும் பொட்டாசியம் இவைகளை நம் உடலிலே விட்டு விடுகிறது. இது ஒரு மிக முக்கியமான இணையான மாற்றத்தை நம் உடலில் ஏற்படுத்துகிறது. இதனால் நமக்கு உடல் சோர்வு ஏற்படுவதில்லை. மூட்டுகளுக்கு கனிப்பொருள் சக்தியும் அளிக்கிறது.
முடக்கத்தான் கீரையை தோசை மாவில் கரைத்து, தோசை செய்து சாப்பிட வேண்டும். அந்தக் கீரையைக் கொதிக்க வைத்து உண்ணக் கூடாது. அதனுள் உள்ள மருத்துவ சத்துக்கள், கொதிக்க வைப்பதின் மூலம் அழிந்து விடும்.
மழைக்காலங்களில் மட்டுமே இந்தக் கீரை கிடைக்கும். முடக்கத்தான் கீரை, மருத்துவ குணங்கள் நிறைந்த, ஒரு அரிய‌ கீரையாகும். தமிழ்நாட்டு கிராமங்களில், எல்லோர் வீட்டுக் கொல்லைப் புறத்திலும் இது படர்ந்து கிடக்கும்.

ஆர்.எஸ்.எஸ் தலைவர் பிரபாகர் பட்டை கைது செய்ய தேசிய மகளிர் முன்னணி(NWF) கோரிக்கை

2012-02-07T19:18:00.002+05:30

பெங்களூரு மங்களூர் மாவட்டத்தின் புத்தூர் தாலுகாவில் உப்பினங்கடியில் நடைபெற்ற ஹிந்து சமஜோத்சவ் என்னும் நிகழ்ச்சியில் ஆர்.எஸ்.எஸ் தலைவர் கல்லட்கா பிரபாகர் பட் முஸ்லிம்களை ஆத்திரமூட்டும் வகையில் பேசிய பேச்சுக்கு எதிராக இந்தியாவின் தேசிய மகளிர் முன்னணி (NWF) கடும் கண்டம் தெரிவித்துள்ளது.

மேலும் ஊடங்களுக்கு பேட்டி அளித்த அந்த அமைப்பானது, இஸ்லாமிய ஷரிஆ மற்றும் முஸ்லிம் பெண்களை அவமானபடுத்தியும் பேசியதற்கு எதிராக உப்பினங்கடி காவல் துறையில் பிணையல்லாத(Non-Bailable) வழக்கை section 153(A) மற்றும் 295(A) கீழ் பதிவு செய்துள்ளதாகவும், முஸ்லிம் பெண்களை அவமானபடுத்தி பேசிய ஆர்.எஸ்.எஸ் தலைவரின் இந்த உரையின் மூலம், பெண்களை பற்றிய தவறான சிந்தனையை சங்க் பரிவார் வெளிபடுத்தியுள்ளது என்றும் தெரிவித்துள்ளனர்.

ஆனால் இதுவரை அவர் கைது செய்யப்படாததற்கு கண்டம் தெரிவித்தும், உடனடியாக அவரை கைது செய்து சட்டத்தின் முன் அனைவரும் சமம் என்பதை காவல்துறை நிரூபிக்க வேண்டும் என்றும் தேசிய மகளிர் முன்னணி(NWF) தெரிவித்துள்ளது.

ஹரேன் பாண்டியா கொலை வழக்கு: மறு விசாரணை கோரும் மனு தள்ளுபடி

2012-02-07T19:18:00.000+05:30

அஹ்மதாபாத்:குஜராத்தில் பரபரப்பை ஏற்படுத்திய முன்னாள் உள்துறை அமைச்சர் ஹரேன் பாண்டியா கொலை வழக்கில் மறுவிசாரணை கோரும் மனு தள்ளுபடி செய்யப்பட்டது. இதே மனு உச்சநீதிமன்றத்தில் நிலுவையில் உள்ளதாக கூறி குஜராத் உயர்நீதிமன்ற நீதிபதி அனத் தாவே இம்மனுவை தள்ளுபடிச் செய்தார்.

கடந்த 2003-ஆம் ஆண்டு மார்ச்26-ஆம் தேதி ஹரேன் பாண்டியா சுட்டுக் கொல்லப்பட்டார். இவரது கொலை வழக்கில் குற்றம் சாட்டப்பட்ட 12 பேர் மீதான கொலை குற்ற பிரிவை குஜராத் உயர்நீதிமன்றம் ரத்துச்செய்தது. இதனைத் தொடர்ந்து இவ்வழக்கில் மறு விசாரணை நடத்தவேண்டும் என கோரி ஹரேன் பாண்டியாவின் மனைவி ஜாக்ரிதி உயர்நீதிமன்றத்தில் மனு அளித்தார்.

உயர்நீதிமன்ற தீர்ப்பை எதிர்த்து உச்சநீதிமன்றத்தில் மேல்முறையீடு செய்யப்பட்டுள்ளதாக குஜராத் அரசும், சி.பி.ஐ -யும் அறிவித்ததை தொடர்ந்து உயர்நீதிமன்றம் இம்மனுவை தள்ளுபடிச் செய்தது.

அன்னா ஹஸாரே மீது ஆர்.எஸ்.எஸ் கோபம்

2012-02-06T19:27:00.000+05:30

புதுடெல்லி:அன்னா ஹஸாரேயின் நன்றிக் கெட்டத் தனத்திற்கு ஆர்.எஸ்.எஸ் தலைவர் மோகன் பாகவத் கண்டனம் தெரிவித்துள்ளார். ஊழல் எதிர்ப்பு போராட்டத்தில் ஆர்.எஸ்.எஸ் தொண்டர்கள் முக்கிய பங்கை வகித்தபோதும் அதனை ஹஸாரே அங்கீகரிக்கவில்லை என்பதுதான் ஆர்.எஸ்.எஸ் சர் சங்க் சாலக்கின் கோபத்திற்கு காரணமாம். பாட்னாவில் அன்னா ஹஸாரேயை கடுமையாக விளாசினார் பாகவத்.

அவர் கூறியது:

“ஊழலுக்கு எதிராக அன்னா ஹஸாரே தேசம் தழுவிய அளவில் நடத்திய போராட்டத்தில் ஆர்.எஸ்.எஸ் தொண்டர்கள் தீவிரமாக பங்கேற்றனர். ஆனால் ஏன் ஹஸாரே இதனை அங்கீகரிக்க முன்வரவில்லை என்பது குறித்து எனக்கு புரியவில்லை. தேசம் முழுவதும் ஊழலுக்கு எதிராக போராட்டம் நடத்த கடந்த மார்ச் மாதம் தீர்மானம் நிறைவேற்றி போதும் அன்னா ஹஸாரேயின் இயக்கத்தில் ஓர் அமைப்பு என்ற நிலையில் ஆர்.எஸ்.எஸ் அதிகாரப்பூர்வமாக சேரவில்லை.

ஆர்.எஸ்.எஸ் அதிகாரப்பூர்வமாக கட்டளை பிறப்பிக்காவிட்டாலும் ஆர்.எஸ்.எஸ் தொண்டர்கள் தனிப்பட்ட ரீதியில் ஹஸாரேயின் போராட்டத்தில் தீவிரமாக பங்கேற்க சுதந்திரம் அளிக்கப்பட்டது. ஆனால் போராட்டத்தில் ஆர்.எஸ்.எஸ் தொண்டர்கள் வகித்த பங்கினை அங்கீகரிக்க ஹஸாரே தயாராகவில்லை. ஊழல் எதிர்ப்பு போராட்டத்திற்கு ஆர்.எஸ்.எஸ்ஸின் ஆதரவை பெற்றதற்கு காங்கிரஸ் கட்சியின் விமர்சனத்தை சந்தித்ததால் அவர் இவ்வாறு நடந்திருக்கலாம்.

நிதின் கட்கரியை பா.ஜ.க தலைவராக நியமித்தது ஆர்.எஸ்.எஸ் அல்ல. 2009-ஆம் ஆண்டு தேர்தல் தோல்விக்கு பிறகு ராஜ்நாத் சிங்கை மாற்றக்கோரி பா.ஜ.க தலைவர்கள் என்னை சந்திக்க வந்தனர். ஆகையால் பேச்சுவார்த்தைக்கான களத்தை உருவாக்கி கொடுத்தோம். பா.ஜ.க தலைவர்கள் பரிந்துரைத்த பல பெயர்களில் கட்கரியும் அடங்குவார். ஹிந்து பயங்கரவாதம் என ஒன்று கிடையாது. தீவிரவாத வழக்குகளில் குற்றம் சாட்டப்பட்டவர்களுக்கு வகுப்புவாத நிறத்தை அளிக்கும் முன்பு வழக்கை நிரூபிக்கவேண்டும்.” இவ்வாறு மோகன் பாகவத் கூறியுள்ளார்.

நடிகை கொஞ்சியதும் மனம் உருகினார் இந்திய பிரதமர்!

2012-02-06T19:20:00.001+05:30

இந்தி நடிகரும், ஹேமாமாலினியின் கணவருமான தர்மேந்திராவிற்கு இந்தாண்டு பத்ம பூஷன் விருது அறிவிக்கப்பட்டிருந்தது.

தர்மேந்திரா BJP யின் பஞ்சாப் மாநில எம்.பி.,யாக இருந்தவர். அவரது மனைவி ஹேமாமாலினி தற்போது BJP யின் ராஜ்யசபா எம்.பி.,யாக உள்ளார். எப்படி தர்மேந்திராவிற்கு விருது கிடைத்தது?

ஹேமாமாலினியும், பிரதமர் மன்மோகன் சிங்கும் ராஜ்யசபா உறுப்பினர்கள். அதனால் பிரதமரைச் சந்தித்தார் ஹேமா. "என் கணவர் தர்மேந்திரா சினிமா உலகத்திற்காக தொண்டாற்றியுள்ளார். அவர் BJP,யில் இருந்தாலும், BJP ஆட்சியில் இருந்த போது அவருக்கு எதுவும் செய்யவில்லை.

என்னுடைய ராஜ்யசபா பதவிக்காலமும் முடியப்போகிறது. எனவே, தர்மேந்திராவிற்கு பத்ம பூஷன் தர, நீங்கள் உதவ வேண்டும்' என்று
கெஞ்சி வேண்டுகோள் வைத்தார் ஹேமா. அதன் பலனாக மன்மோகன் சிபாரிசில் தர்மேந்திராவிற்கு விருது கிடைத்தது.

சிந்திக்கவும்: தர்மேந்திரா எம்பியாக இருந்து மக்கள் தொண்டு செய்யவில்லை, மாறாக தனது சினிமா துறைக்குத்தான் தொண்டு செய்துள்ளார். நாட்டின் உயர்ந்த விருதுகளை ஏன்? நடிகர், நடிகைகளுக்கு வழங்குகிறார்கள்.

நடிகை கெஞ்சியதும் மனம் உருகினார் இந்திய பிரதமர். குஷ்பு கொஞ்சினால் அவருக்கும் விருது கொடுக்க ஏற்ப்பாடு செய்வார். தேசத்து விவசாயிகள் வறுமையில் சாவது தொடர்கிறது. ஏழ்மை,அடிப்படை சுகாதார வசதிகள் இல்லாமை என்று மக்கள் தவிக்கும் பொழுது அதை பற்றியெல்லாம் கவலைப்படாத பிரதமர் கார்பரேட் நிறுவனங்களின் கைக்கூலி ஆகிப்போனார்.

பாரத பிரதமர் தன்னை போன்ற ராஜியசபா உறுப்பினர்களின் சினிமா குடும்பங்களுக்கும், பணக்காரர்களுக்கும் பதவிகளும், பரிசுகளும் கொடுப்பதில் மூழ்கிக்கிடக்கிறார். நாடுமுழுவதும் அணு உலைகளை கட்டி இந்தியாவை இருளில் இருந்து ஒளிரவைக்க போகிறார் இந்த அற்புத பிரதமர் நம்புங்கள்! மக்களே நம்புங்கள்!.

தேர்தலை விரைவில் நடத்த ஹமாஸ்-ஃபத்ஹ் ஒப்பந்தம்

2012-02-06T19:18:00.000+05:30

தோஹா:ஃபலஸ்தீனில் அதிபர் மற்றும் பாராளுமன்ற தேர்தல்களை விரைவில் நடத்துவதற்கு ஃபலஸ்தீன் அமைப்புகளான ஹமாஸிற்கும், ஃபத்ஹிற்கும் இடையே ஒப்பந்தம் ஏற்பட்டுள்ளது.

கத்தர் தலைநகரான தோஹாவில் ஃபலஸ்தீன் அதிபர் மஹ்மூத் அப்பாஸும், ஹமாஸ் தலைவர் காலித் மிஷ்அலும் நேற்று நடத்திய சந்திப்பில் இம்முடிவு ஏற்பட்டது. தேர்தலுக்கு முன் ஏற்பாடுகளை மேற்கொள்ள இடைக்கால அரசை உருவாக்கவும் தீர்மானிக்கப்பட்டது.

கத்தர் அமீர் ஷேக் ஹமத் பின் கலீஃபா அல் தானி ஹமாஸ்-ஃபத்ஹ் பேச்சுவார்த்தைக்கு ஏற்பாடு செய்தார். தேர்தல் தவிர இரு பிரிவினரும் முன்பு கையெழுத்திட்ட சமாதான ஒப்பந்தத்தை அமுல்படுத்துவது குறித்தும் அப்பாஸும், மிஷ்அலும் பேச்சுவார்த்தை நடத்தியதாக ஃபத்ஹ் செய்தி தொடர்பாளர் ஆஸம் அல் அஹ்மத் தெரிவித்தார்.

உ.பி:முஸ்லிம் வாக்குவங்கி மோசடிக்கு எதிராக எஸ்.டி.பி.ஐ பிரச்சாரம்

2012-02-06T19:17:00.001+05:30

புதுடெல்லி:முஸ்லிம் வாக்குவங்கியை குறிவைத்து முக்கிய அரசியல் கட்சிகள் நடத்தும் மோசடிக்கு எதிராக போராட்ட அரசியலுடன் ஹிந்தியின் இதய பூமியான உத்தரபிரதேச மாநில சட்டப்பேரவை தேர்தலில் சோசியல் டெமோக்ரேடிக் பார்டி ஆஃப் இந்தியாவும் களமிறங்கியுள்ளது. கூட்டணி கட்சியான அம்பேத்கர் சமாஜ் பார்டியும், எஸ்.டி.பி.ஐயும் இணைந்து 110 தொகுதிகளில் போட்டியிடுகின்றன. 10 தொகுதிகளில் எஸ்.டி.பி.ஐ கடும் போட்டியை ஏற்படுத்தியுள்ளது.

அதிகமான முஸ்லிம் வாக்காளர்களை கொண்ட உத்தரபிரதேச மாநிலத்தில் முஸ்லிம் சமுதாயத்தை வாக்குவங்கியாக மட்டுமே கருதிவரும் காங்கிரஸ், சமாஜ்வாதி கட்சி, பகுஜன் சமாஜ் ஆகிய கட்சிகளின் மோசடிக்கு எதிராக எஸ்.டி.பி.ஐ பிரச்சாரம் நடத்திவருகிறது. ஹிந்துத்துவா வகுப்புவாத வெறியை உமிழும் பா.ஜ.கவை எதிர்ப்பதுடன், பா.ஜ.கவை காட்டி முஸ்லிம்களை அச்சமூட்டி தங்களுக்கு ஆதரவாக மாற்றும் அரசியலையும் எஸ்.டி.பி.ஐ எதிர்க்கிறது.

முஸ்லிம்கள் மட்டுமல்லாமல் தலித்-பிற்படுத்தப்பட்ட சமூகத்தின் முன்னேற்றத்தையும் நோக்கமாக கொண்டு பிரச்சாரம் நடந்துவருகிறது.

உத்தரபிரதேச மாநிலத்தில் பிற்படுத்தப்பட்டுள்ள முஸ்லிம்களும், தலித்-பிற்படுத்தப்பட்ட வகுப்பினரும் ஒன்றிணைய வேண்டும் என்ற செய்தியை எஸ்.டி.பி.ஐ அளித்துவருகிறது.

எஸ்.டி.பி.ஐ உ.பி மாநில தலைவர் வழக்கறிஞர் ஷரஃபுத்தீன் அஹ்மத் போட்டியிடும் கான்பூர் மாவட்டத்தில் ஆர்யா நகர் தொகுதியில் தீவிரமான பிரச்சாரம் நடைபெறுகிறது.

முஸ்லிம் வாக்குகள் வெற்றி-தோல்வியை தீர்மானிக்கும் தேவ்பந்த் தொகுதியில் மவ்லானா மஸ்ஊதும், திஜிநூர் தாம்பூர் தொகுதியில் அப்துல் காலிதும் நம்பிக்கையை ஏற்படுத்தியுள்ளார்கள். பட்ரோணாவில் முஹ்யத்தீன் சித்தீகி, ராம்பூர் மனிஹராவில் தாழ்த்தப்பட்ட சமூகத்தைச் சார்ந்த பல்வந்த்சிங் சார்வாக், கான்பூர் ஸீஸாமில் ஷக்கீல் அஹ்மது முஹம்மதி, ஷாமிபூரில் ஷஃபாத் கான், முஸாஃபர் நகர் புதானாவில் மவ்லானா ஷக்தாப், முராதாபாத் டாக்கூர் துவாராவில் ரயீஸ் அஹ்மத் ஆகியோர் கடும் பிரச்சாரத்தை நடத்தி வருகிறார்கள்.

உத்தரபிரதேச மாநில தேர்தலில் முதன் முறையாக போட்டியிடும் சோசியல் டெமோக்ரேடிக் பார்டி ஆஃப் இந்தியா பாப்ரி மஸ்ஜிதை மீண்டும் கட்டவேண்டும், வளர்ச்சிக்காக உ.பியை நான்காக பிரிக்கவேண்டும், சிறுபான்மை கல்வியை அனைவருக்கும் பொதுவாக்க வேண்டும், குடிசை தொழிலுக்கு ஊக்கமளிக்க வேண்டும், பாரம்பரிய தொழில்களுக்கு முக்கியத்துவம் அளித்தல், போலி என்கவுண்டர் படுகொலைகளை முடிவுக்கு கொண்டுவர வேண்டும் ஆகிய முக்கியத்துவம் வாய்ந்த பிரச்சனைகளை தேர்தல் களத்தில் முன்வைத்துள்ளது.

ஃபேஸ்புக் @ 8

2012-02-06T19:14:00.001+05:30

ஹூஸ்டன்:இணையதள நட்புறவு தளங்களில் தவிர்க்க முடியாததாக மாறியுள்ள பிரபல சமூக இணையதளமான ஃபேஸ்புக்கிற்கு எட்டு வயது பூர்த்தியாகிறது. இந்த எட்டு வருட காலக்கட்டத்தில் விவாதங்கள், புரட்சிகள், உண்மையை வெளிக்கொணரல், நட்புறவின் மறக்கமுடியாத நிமிடங்கள் போன்றவற்றை இந்த நட்புறவு தளம் மூலமாக உலகம் பகிர்ந்துகொண்டது.

‘பலரும், பல விஷயங்களையும் பகிர்ந்துகொள்ளும் பொது இடம்’ என்ற கொள்கையுடன் இந்த இணையதளத்தை துவக்கிய மார்க் ஸக்கர்பர்க் என்ற ஃபேஸ்புக்கின் சிற்பி கூட நினைத்து பார்த்திருக்கமாட்டார் இவ்வளவு தூரம் ஃபேஸ்புக் பிரபலமாகும் என.

2004 பிப்ரவரி நான்காம் தேதி ஃபேஸ்புக் செயல்பட துவங்கியது. அன்று முதல் வயது வித்தியாசம் பாராமல் உலக நாடுகளைச் சார்ந்த ஏராளமானோர் இதில் உறுப்பினர்களாக மாறினர். தற்போது 84.5 கோடி பேர் ஃபேஸ்புக் பயனீட்டாளர்களாக உள்ளனர்.

கருத்து சுதந்திரம் தடைச் செய்யப்பட்ட நாடுகளில் ஃபேஸ்புக்கின் வருகை மிகுந்த பயனாக மாறியது. அரபு வசந்தம் தீவிரமடைய ஃபேஸ்புக்கும் முக்கிய பங்கினை வகித்தது.

ஹார்வர்ட் பல்கலை கழக மாணவர்களான மார்க் ஸக்கர்பர்க், எட்வர்டோ ஸவெரின், டஸ்டின் மோஸ்கோவிட்ஸ், கிறிஸ் ஹியூக் ஆகியோர் ஃபேஸ்புக்கின் ஸ்தாபகர்கள் ஆவர். மார்க் ஸக்கர்பர்க் ஃபேஸ்புக்கின் சீஃப் எக்ஸ்க்யூடிவ் ஆபீஸர்(சி.இ.ஒ).

ஹார்வர்ட் பல்கலை கழகத்தில் ஃபேஸ்புக் பிறந்தாலும், இதர பல்கலை கழகங்களுக்கும் இது பரவியது. துவக்கத்தில் த ஃபேஸ்புக் டாட் காம் என பெயரிடப்பட்டது. 2008 பிப்ரவரி 4-ஆம் தேதி உலகம் முழுவதும் பிரபலமான ஃபேஸ்புக்காக உருவெடுத்தது. காம்பிட் டாட் காம் 2009-ஆம் ஆண்டு நடத்திய சர்வேயில் உலகம் முழுவதும் அதிகமாக உபயோகிக்கும் சோசியல் நெட்வர்கிங் இணையதளம் ஃபேஸ்புக் ஆகும்.

கடந்த ஆண்டு ஃபேஸ்புக், இந்தியாவில் 132 சதவீதம் வளர்ச்சியை பெற்றுள்ளது. பிப்ரவரி 1-ஆம் தேதி அமெரிக்க பங்கு சந்தையில் நுழையும் திட்டம் குறித்து மார்க் ஸக்கர்பர்க் அறிவிப்பை வெளியிட்டார்.

பெண்களை கேலி செய்தவருக்கு நூதன தண்டனை-சவூதி

2012-02-05T10:30:00.001+05:30

பெண்களை கேலி செய்த வாலிபர் ஒருவருக்கு சவூதி ஷரியா நீதிமன்றம் விநோதமான தண்டனை வழங்கியுள்ளது.

சவூதியில் அல் ஐஸ் நகரில் உள்ள வணிக வளாகம் ஒன்றில் பெண்களை கிண்டல் கேலி செய்துகொண்டிருந்த சவூதி வாலிபர் ஒருவரை நன்னெறிக் காவலர்கள் சிலர் பிடித்து காவல்துறையில் ஒப்படைத்தனர். காவல்துறை அந்த வாலிபர் மீது ஷரியா நீதிமன்றத்தில் வழக்குப் பதிவு செய்தது. அந்த வாலிபர் நீதிமன்றத்தில் தனது குற்றத்தை ஒப்புக்கொண்டார்.

வழக்கை விசாரித்த நீதிபதி ஷேக் ஹசன் பின் சாத் அல்காம்தி, அந்த வாலிபர் அந்நகரின் மரித்தார்கொல்லையை (இடுகாடு) துப்புரவு செய்யவும், மேலும் இறந்த மனிதர்கள் ஐவரின் உடலைக் குளிப்பாட்டவும் உத்தரவிட்டு இதுவே தண்டனை என்றும் தீர்ப்பளித்துள்ளார்.

அயோத்தியில் ராமர் கோவில் கட்டுவது உறுதி: அத்வானி உளறல்

2012-02-05T10:08:00.001+05:30

பைசாபாத்(உ.பி): உத்தரப்பிரதேசம் அயோத்தியில் ராமர் சிலை வைக்கப்பட்டுள்ள இடத்தில் கோவில் கட்டுவதுதான் தமது லட்சியம் என்று பாரதிய ஜனதா கட்சி மூத்த தலைவர் எல்.கே. அத்வானி தெரிவித்துள்ளார்.

அயோத்தியில் தேர்தல் பிரச்சாரம் மேற்கொண்ட அத்வானி, பிரமாண்டமான ராமர் கோவில் கட்டப்பட்டால் தான் பொது வாழ்க்கையில் தனது லட்சியம் நிறைவேறும் என்று கூறியுள்ளார்.

இதற்கான நேரம் விரைவில் வரவேண்டும் என்று ராமர் பக்தர்கள் விரும்புகின்றனர் என்றும் அயோத்தியில் ராமர் கோவில் கட்டுவதற்கான தங்கள் முயற்சி தொடரும் என்றும் தெரிவித்துள்ளார்..

ராமர் கோயில் கட்டுவதற்கு மத்தியில் பாரதிய ஜனதா கட்சி ஆட்சியில் அமரவேண்டும் அல்லது நீதிமன்றம் உத்தரவு பிறப்பிக்க வேண்டு அல்லது இந்துக்களும் முஸ்லிம்களும் இணைந்து பிரச்சனைக்கு தீர்வு காண வேண்டும் என்ற 3 வழிகள் மட்டுமே உள்ளதாகவும் அத்வானி சுட்ட்டிக்காட்டியுள்ளார்.

உலகம் போற்றும் உத்தமர்

2012-02-05T09:50:00.004+05:30

கல்லையும் முள்ளையும்

கடவுளாய் கருதியோரை

நிலவைக் காட்டி

சலவை செய்த

நல்லொளி எங்கள் நாயகமே..!

காற்றில் திசைமாறி

கவிழும் கப்பலை

மாலுமியாய் இருந்து

மனிதகுலத்தை காப்பாற்றி

வாழவைத்த எங்கள்

வள்ளலே..!

திக்கு திசைதெரியாது

திரிந்திட்ட அனைவரையும்- ஒரே

அன்பு குடைக்குள் சேர்த்த

அருள்கொடை எங்கள்

அண்ணலே..!

பாலைவெயில் பாதம் சிவக்க

சாந்தியும் சமாதானமும்

சரித்திரம் எழுதி

சாதனை படைத்திட

இறைவன் அனுப்பிய எங்கள்

இறுதி நபியே..!

கல்லடியும் சொல்லடியால்

பகைத்தவர்கள்

பால்முகம் கண்டு பதைத்தனர்

ஓர் இறையை ஏற்றனர்

ஏகமனதோடு ஏற்கவைத்த

எங்கள் ஏந்தலே..!

ஒளி தெரியா மக்களை

இறைவனின் வழியில்

மார்க்க பாதையில்

மக்களை அழைத்து

மாபெரும் வெற்றி கண்டு

உலகமே போற்றுகின்ற எங்கள்

உத்தமரே..!

நாயகம் போதித்த

நன் மார்க்கம்

பொன்னெழுத்தால் பொரித்த

பூமியின் திருநாள்

இந்த உலகம் மகிழ

ஈகைபெருநாளை தந்த எங்கள்

இவ்வுலக பெருமானே..!

அருவிக் கவிஞர் ஆனந்தரவி

இணை ஆசிரியர்

குவைத் தமிழ்

உ.பி:இரண்டாவது கட்ட தேர்தலில் 118 கிரிமினல் வேட்பாளர்கள்

2012-02-05T09:43:00.001+05:30

லக்னோ:உத்தரபிரதேச மாநிலத்தில் நடைபெறவிருக்கும் இரண்டாவது கட்ட சட்டப்பேரவை தேர்தலில் போட்டியிடும் வேட்பாளர்களில் 118 பேர் கிரிமினல் வழக்குகளில் சிக்கியவர்களாவர்.

மாநில தேர்தல் கண்காணிப்பு அமைப்பான உத்தரபிரதேஷ் எலக்‌ஷன் வாட்ச் (யு.பி.இ.டபிள்யூ) வேட்பாளர்களின் குற்ற பின்னணி குறித்து கண்டறிந்துள்ளது.

பிப்ரவரி 11-ஆம் தேதி நடைபெறவிருக்கும் இரண்டாவது கட்ட தேர்தலில் போட்டியிடும் 337 வேட்பாளர்களில் 35 சதவீதம் பேர் கொலை, கொலை முயற்சி, கொள்ளை, வழிப்பறி, கடத்தல் உள்பட ஏதேனும் ஒரு வழக்கில் குற்றம் சாட்டப்பட்டுள்ளார்கள் என்பதை யு.பி.இ.டபிள்யூ கண்டுபிடித்துள்ளது.

கவ்மி ஏகதா தள் கட்சியின் சார்பாக மஉ, கோஸி ஆகிய சட்டப்பேரவை தொகுதிகளில் போட்டியிடும் முக்தார் அன்ஸாரியின் மீது 15 குற்றவியல் வழக்குகள் பதிவுச் செய்யப்பட்டுள்ளன. ஃபிபனா தொகுதியில் போட்டியிடும் சமாஜ்வாதி கட்சி வேட்பாளர் உபேந்திரா மீது 11 வழக்குகளும், பகுஜன் சமாஜ் கட்சி சார்பாக கிருஷிநகரில் போட்டியிடும் ஜாவேத் இக்பால் மீது ஐந்து வழக்குகளும் பதிவுச் செய்யப்பட்டுள்ளன.

க்ரிமினல் குற்றம் சாட்டப்பட்டவர்களை வேட்பாளர்களாக தேர்தல் களத்தில் இறக்கியதில் முதலிடம் வகிப்பது சமாஜ்வாதி கட்சி ஆகும். இரண்டவாது இடம் சி.எஸ்.பி ஆகும். எஸ்.பி-30, சி.எஸ்.பி-23, பா.ஜ.க-20, காங்கிரஸ்-19, பீஸ்பார்டி- 8, ஐக்கிய ஜனதா தளம்-12 ஆகிய எண்ணிக்கையில் பல்வேறு கட்சிகள் குற்றம் சாட்டப்பட்டவர்களை வேட்பாளர்களாக நிறுத்தியுள்ளன.

மீண்டும் போட்டியிடும் எம்.எல்.ஏக்களின் சராசரி சொத்து மதிப்பு 2.74 கோடி ரூபாய் ஆகும். பொருளாதார வளர்ச்சி சதவீதம் 187 சதவீதம் ஆகும். வேட்பாளர்களில் அதிக சொத்துக்களை வைத்திருப்பவர் பி.எஸ்.பியின் ஷா ஆலம் ஆவார். 54.44 கோடி ரூபாய் மதிப்பிலான சொத்துக்களை வைத்திருக்கும் இவர் முபாரக்பூரில் போட்டியிடுகிறார். ஸாஹிபூரில் போட்டியிடும் சமாஜ்வாதி கட்சி வேட்பாளர் சுபாஷ் 35.32 கோடி மதிப்பிலான சொத்துக்களுடன் இரண்டாவது இடத்தில் உள்ளார். மொத்தம் 337 வேட்பாளர்களில் 166 பேர் (49 சதவீதம்) இதுவரை வருமானவரி ரிட்டேர்ன் சமர்ப்பிக்கவில்லை என மனுவில் குறிப்பிட்டுள்ளனர்.

பா.ஜ.க தீவிரவாத அமைப்பு – மத்திய அமைச்சர்

2012-02-05T09:40:00.001+05:30

புதுடெல்லி:பாரதீய ஜனதா கட்சி தீவிரவாத அமைப்பாக மாறிவிட்டது என மத்திய எஃகுத்துறை அமைச்சர் பேனி பிரசாத் வர்மா கூறியுள்ளார்.

பிலிபிட்டில் காங்கிரஸ் கட்சியை ஆதரித்து தேர்தல் பிரச்சாரம் நடத்தும் வேளையில் அவர் இதனை தெரிவித்தார்.

அவர் மேலும் கூறியது:

ஹிந்து கட்சி என்பது போல அல்ல, மாறாக தீவிரவாத அமைப்பை போல பாரதீய ஜனதா கட்சியின் செயல்பாடுகள் அமைந்துள்ளன.

மலேகான் குண்டுவெடிப்பு வழக்கில் முக்கிய குற்றவாளிகளான பிரக்யாசிங் தாக்கூர், அஸிமானாந்தா ஆகியோருடன் பா.ஜ.கவுக்கு இருக்கு நெருங்கிய உறவே இதற்கு ஆதாரமாகும்.

ஹிந்துக்கள்-முஸ்லிம்கள் இடையேயான நல்லிணக்கத்தை தகர்ப்பதற்கு பா.ஜ.க முயற்சிக்கிறது என்றார்.